Спорт

Урысей Федерацэм и Лъэпкъ гвардием и дзэхэу Кавказ Ищхъэрэ округым щыIэхэм дзэ прикладной спорт лIэужьыгъуэхэмкIэ я чемпионат Зеленокумск щекIуэкIащ. 

Краснодар крайм иджыблагъэ щекIуэкIащ ныбжьыщIэхэм мас-рестлингымкIэ я 15-нэ урысейпсо джэгу зэIухахэр. Къэбэрдей-Балъкъэрым щыщхэм абы ещанэ команднэ увыпIэр къыщахьащ. Зэхьэзэхуэм хэтащ къэралым и щIынэлъэу 8-м я спортсмени ­100-м щIигъу.

Спортым зыхуэзыгъасэхэм я бжыгъэм къахэхъуэ зэпытщ иужьрей илъэсхэм, дэнэ щIы­пIэкIи клубхэр, секцэхэр къы­щызэIуах. Адэ-анэ нэхъыбэм къагурыIуэ хъуащ сабийр уэрамым зыщыIууэнкIэ хъуну ­мыхъумыщIагъэхэм пэIэщIэ щIы­нымкIэ спортым иIэ мы­хьэнэр зыхуэдизыр. Нобэ упщIэ зыбжанэкIэ зыхуэзгъэзащ Кэнжэ къуажэм дэт «Пять колец» спортакадемием и унафэщI, УФ-м щIыхь зиIэ и тренер, Налшык къалэ округым щIыпIэ само­управленэмкIэ и Советым и ­депутат Ахъмэт Амир. 

МазитI хуэдизкIэ узэIэбэкIыжмэ, ди къэралым и хъыбарегъащIэ IэнатIэхэм къатауэ щытащ Мэзкуу областым и «Химки» командэм хэту 2022 - 2023 гъэхэм Урысей Федерацэм и премьер-лигэм щыджэгуну зызыгъэхьэзыр Мырзэ Резуан Тыркум зыкъыщигъэлъэгъуэну зэрырагъэблэгъар.

Шахматхэмрэ шашкэхэмрэ дихьэххэм папщIэ Налшык щыIэ «Ладья» клубым иджыблагъэ щекIуэкIащ Къэбэрдей-Балъкъэрым и Правительствэм и Унэм щылажьэ, гъэзэщIакIуэ властым и IэнатIэхэм я IэщIагъэлIхэм я зэхьэзэхуэ. 

Удэзыхьэхыу икIи гъэщIэгъуэну екIуэкIа зэпеуэм япэ увыпIэр щиубыдащ КъБР-м и Iэтащхьэм и Администрацэм и лэжьакIуэ Гъуэгу Мурат. етIуанэ хъуащ КъБР-м и Iэтащхьэмрэ Правитель­ствэмрэ я Iуэхухэр зезыгъакIуэ управленэм и IэщIагъэлI Байче­куев Расул. ещанэ увыпIэр зыIэригъэхьащ КъБР-м Мэкъумэш ­хозяйствэмкIэ и министерствэм и лIыкIуэ Хьэмжу Сэлим.   

ШыщхьэуIум 19-м къыщыщIэдзауэ и 31 пщIондэ Екатеринбург университет спортым и Дунейпсо фестиваль щокIуэкI. Мыбы хэтщ студент 2500-м щIигъу. Къэрал 36-м я еджапIэ нэхъыщхьэхэм къикIахэр спорт лIэужьыгъуэ 14-кIэ зэпоуэ.

«Динамо» (Ставрополь) - «Спартак-Налшык» (Налшык) - 0:0, пенальтикIэ - 5:3. Ставрополь. «Динамо» стадион. ШыщхьэуIум и 23-м. ЦIыху 600 еплъащ.