Календарь событий

Ди республикэм нобэ къыщызэIуахащ «Урысейм ипс» урысейпсо Iуэхур, абы ипкъ иткIэ ягъэкъэбзэнущ псы ежэххэмрэ псыхъуэхэмрэ.
«Зи гугъу тщIы акцэр «Экология» лъэпкъ проектым и зы Iыхьэу щыт «Зыми хуэмыдэ псыежэххэр хъумэныр» федеральнэ проектым хыхьэу ирагъэкIуэкIыу аращ, ар къыхэзылъхьар Урысей Федерацэм и Президент Путин Владимирщ.
«Урысейм ипс» Iуэхур ди къэралым и щIыналъэ псоми къыщызэдащтащ. Си щхьэкIэ, си гуапэу, фIэхъускIэ захуэзгъэзащ акцэм хэтыну къыдэкIа псоми, ар къызэзыгъэпэщахэми.

ЩоджэнцIыкIу Алий и цIэр зезыхьэ Къэбэрдей къэ­рал драмэ театрым ли-­те­ратурэ-макъамэ пшыхь гуапэ щекIуэкIащ, адыгэ усакIуэ, гупсысакIуэ, лъэпкъ литературэм и лъабжьэр зыгъэтIылъа ­ПащIэ Бэчмырзэ къызэралъхурэ илъэси 170-рэ зэрырикъуам и щIыхькIэ. Ар къызэ­ра­гъэпэщащ КъБР-м ЩэнхабзэмкIэ и ­министерствэмрэ КъБР-м и ТхакIуэхэм я зэ­гухьэныгъэмрэ.

Налшык къалэ и Музыкэ театрым щекIуэкIащ «ФIагъым и лъагапIэ-2024» фIэ­­щыгъэр зиIэ Япэ Кавказ-Ищхъэрэ конференц. Ар теухуауэ щытащ Урысей Фе­дерацэм медицинэ хуэ­Iу­хуэ­щIэхэр фIагъ пылъу икIи шынагъуэншагъэу къы­­щызэгъэпэ­щы­ным­кIэ лэжьыпхъэхэм. Зэ­хыхьэм хэтащ къэралым узыншагъэр хъумэ­нымкIэ и IэнатIэм и IэщIагъэлI пашэхэр, хэгъэгу зэ­мылIэужьыгъуэхэм щы­Iэ медицинэ IуэхущIапIэхэм я унафэщIхэр, дохутырхэр.

Къэбэрдей-Балъкъэрым и щыхьэр Налшык «Долина Кавказа» зыфIаща и хьэб­лэщIэу къухьэпIэ лъэны­къуэмкIэ къыщызэIуахам щы­зэхуэсахэр хуабжьу зы­щыгуфIыкIа зэхыхьэ ще­кIуэкIащ.