Архитекторым и илъэсым зыхуагъэхьэзыр

КъБР-м и Iэтащхьэ КIуэкIуэ Казбек 2024 гъэр Архитектурэм и илъэсу республикэм зэрыщагъэувынум теухуа зэIущIэ иригъэкIуэкIащ. Абы хэтащ КъБР-м и Правитель­ствэм щыщхэр, архитекторхэр, а унэтIы­ныгъэмкIэ егъэджэныгъэ IэнатIэм и лIы­кIуэхэр.

Республикэм и Iэтащхьэм къыхилъхьа Архитектурэм и илъэсыр хуэунэтIауэ щытащ абыкIэ щIэныгъэ зрагъэгъуэтыным цIыхухэр къыхуе­джэным, зыIэрагъэхьа ­ехъулIэныгъэхэм хуэфащэ гулъытэ яхуэщIыным икIи адэкIэ зегъэу­жьынымкIэ Iуэхухэм тегъэгушхуэным. Илъэсыр куп­щIафIэу ирагъэкIуэкIыну я мурадщ, архитектурэм теухуа зэхыхьэ зэ­мылIэужьыгъуэхэр къызэрагъэпэщынущ: проектхэм я зэпеуэхэр, гъэлъэгъуэныгъэхэр, щIэныгъэ-практикэ, егъэ­джэ­ныгъэ конференцхэр. Республикэр хэтынущ архитектурэм теухуауэ къэралым щекIуэкIыну Iуэхугъуэхэми. ЩIыналъэм и архитекторхэм я ехъулIэныгъэхэр къыхагъэщынущ.
КIуэкIуэ Казбек пщэрылъ ящищIащ ирагъэ­кIуэкIыну зэхыхьэхэмрэ къызэгъэпэщакIуэ комитетым хэтхэмрэ я IуэхукIэ зэфIэгъэкIыпхъэхэр и кIэм нагъэсыну.
«Ди республикэм къэрал, уней IуэхущIапIэхэр, предприятэхэр ухуэнымкIэ, псэупIэхэр зэгъэ­пэщыжынымкIэ лэжьыгъэшхуэ щрагъэкIуэкI. Къалэухуэ советым и лэжьыгъэм архитекторхэр, жылагъуэм я лIыкIуэхэр нэхъ жыджэру хэтын ­хуейщ. Къуажэхэм я теплъэр егъэфIэкIуэ-                     ныр, къалэр тыншыпIэм хуэщIауэ щытыныр къызэгъэпэщыпхъэщ Iуэхум фIыуэ хэзы­щIыкIхэм я Iэзагъэм, щIэныгъэм тещIыхьауэ. Ар псом я дежкIи хабзэу щытын хуейщ», - щы- жиIащ КIуэкIуэ Казбек и телеграм-напэкIуэ-цIым.