Календарь событий

Урысей Федерацэм и Президентым и хэхыныгъэхэр мы махуэхэм жыджэру икIи зэIузэпэщу йокIуэкI. Налшык къалэм и курыт еджапIэ №29-м къыщызэIуаха хэхыпIэ №112-м а Iуэхум зэрыщехъулIэм зыхэдгъэгъуэзащ. Абы йокlуалlэ «Горнэ» хьэблэм и уэрам щхьэхуэхэм щыпсэухэр.

Гъатхэпэм и 15-м щыщIэдзауэ 17 пщIондэ, Профсоюзхэм ЩэнхабзэмкIэ я уардэунэм щолажьэ хэхыпIэ №120-р. Абы екIуэлIащ Кулиев Къайсын и цIэр зезыхьэ уэрамым зэпымыууэ щыпсэухэр.

Гъатхэпэм и 15 - 17-хэм къэ­ралым щекIуэкIынущ зэIу­зэпэщ ящIыну щIыпIэхэр къыхэхыным теухуа Урысей­псо IэIэт. Ар ­ирагъэкIуэкI  Урысейм и Президент Путин Владимир къыхилъхьа, «Псэ­у­пIэмрэ къалэ уэрамхэмрэ» лъэпкъ проектым хыхьэ «Къалэр тыншыпIэм хуэ­щIауэ къы­зэгъэпэщын» къэрал проектым ипкъ иткIэ.

Къэбэрдей-Балъкъэр республикэм, къэралым и щIыналъэ псоми хуэдэу, гъатхэпэм и 15-м, пщэдджыжьым сыхьэти 8-м хэхыныгъэхэм и япэ махуэр къыщызэIуахащ. Къэбгъэлъагъуэмэ, республикэм хэхыпIэ 355-рэ къыщызэрагъэпэщащ. КIэлъыплъакIуэ 893-м я нэIэ тетщ къэпщытакIуэхэм я хуитыныгъэр къызэпамыудыным, хабзэншагъэ къэмыгъэхъуным. ЖыпIэнурамэ, Урысей Федерацэм и Президентыр хэхыным а хэхыпIэхэр сыткIи хуагъэхьэзыращ.

Урысей Федерацэм и президент хэхыныгъэхэр иджы япэу махуищым тещIыхьауэ ирагъэкIуэкI. Къэрал псом я гъусэу, Къэбэрдей-Балъкъэрым щыпсэухэми Урысейм и къэкIуэнум папщIэ Iэ яIэт.

КъБР-м и Iэтащхьэ КIуэкIуэ Казбек Урысей Федерацэм и президент хэхыныгъэхэр егъэкIуэкIыным щIыналъэхэр зэрыхуэхьэзырым теухуауэ щIыпIэ администрацэхэм я унафэщIхэр зыхэт зэIущIэ иригъэкIуэкIащ.

УФ-м и Президентыр щыхэтх ма­хуищым ипэ къихуэу, Бэрбэч ХьэтIу­тIэ и цIэр зезыхьэ Къэбэрдей-Балъкъэр къэрал университетым гъатхэпэм и 14-м ще­кIуэкIащ «Урысей ­Федерацэм и Президен­тыр хэхыныр - къэралым и къэкIуэныр хэтх пэ­лъы­тэщ» зыфIаща зэIущIэ. 

Дзэлыкъуэ щIыналъэм мы махуэхэм щолажьэ хэхыпIэ 25-рэ. ЦIыхухэр куэду йокIуалIэ Iэ щаIэт щIыпIэхэм, гукъыдэж яIэщ щхьэж фIыкIэ зыщыгугъ кандидатым къыдэщIыну. ЩIыналъэ администрацэм и унафэщI Джатэ Руслан Iэ щиIэтащ 65-нэ хэхыпIэм.

КъэкIуэнур зейр щIалэгъуалэращ жаIэ. Ар къагурыIуэрэ жэуаплыныгъэ ин яхэлъу президент хэхыныгъэхэм хэтащ республикэм ис щIалэгъуалэр. Псом хуэмыдэу мыхьэнэшхуэ зиIэ мы Iуэхум гупсэхуу бгъэдыхьащ Аруан куейм ис щIалэхэмрэ пщащэхэмрэ. Езыхэм я ныбжь итхэм щапхъэ яхуэхъумэ нэхъ къащтэу, иджыпсту ди къэралыр зыхуэныкъуэ хэкупсагъэр ягъэлъагъуэу, жьыуэ къыдэкIащ хэхыныгъэхэм я Iыхьэ мащIэр халъхьэну.

Мы махуэхэм къэралым щекIуэкI Iуэху нэхъыщхьэм нэхъ жыджэру хэтхэм ящыщщ Аруан щIыналъэр. Урысей Федерацэм и ЦИК-м къызэригъэувам тету, Iэ щаIэтыну хэхыпIэхэр нэхъ пасэу зыхуей хуагъэзащ икIи зэпэщрэ Iэхуитлъэхуиту дыгъуасэ сыхьэтыр 8-м къызэIуахащ.

Урысейм и Правительствэм и УнафэщIым и ­къуэдзэ Голиковэ Татьянэрэ КъБР-м и Iэтащхьэ КIуэкIуэ Казбекрэ лэжьыгъэ IуэхукIэ зэхуэзащ. Ди щIыналъэм и унафэщIым къулыкъущIэр щигъэгъуэзащ республикэм и социально-экономикэ зыужьыныгъэм.