Республикэм и медиахолдингым и унафэщI Бежан Беслъэн

«КъБР-Медиа» къэрал кIэзонэ IуэхущIапIэм и унафэщIу мазаем и 17-м ягъэуващ иужь лъэхъэнэм абы и къалэнхэр зыгъэзэщIа Бежан Беслъэн.

Къэбэрдей-Балъкъэрым и хъы­барегъащIэ IэнатIэхэм Бежан Бес­лъэн фIыуэ къыщацIыху икIи пщIэ къыщыхуащI. Абы лэжьэн ­щы­щIидзащ Гуманитар къэху­тэ­ныгъэхэмкIэ Къэбэрдей-Балъкъэр институтым. ИужькIэ, 2010 гъэм, ­КъБР-м ЩIалэгъуалэ Iуэху­хэмрэ жылагъуэ зэгухьэныгъэхэмкIэ и ­къэ­рал комитетым и Iэ­щIа­гъэлI-къэп­щытакIуэ пажэ хъуащ. А илъэс дыдэм ягъэуващ КъБР-м Хъы­барегъащIэ IэнатIэхэмкIэ къэ­рал ­комитетым и къудамэм и унафэщIу. 
2014 гъэм щыщIэдзауэ къулыкъу зэмылIэужьыгъуэхэр ехъулIэныгъэ­кIэ ирехьэкI. Ар илъэсищкIэ лэжьащ ди республикэм и Хъы­барегъащIэ IэнатIэхэмкIэ и къэрал комитетым и унафэщIым и къуэ­дзэу. Япэ класс зиIэ КъБР-м и къэрал чэнджэщэ­гъущ.
2017 гъэм къызэрагъэпэща ­«КъБР-Медиа» къэрал кIэзонэ IуэхущIапIэм и унафэщIым и ­къуэдзэу, 2018 гъэм и жэпуэгъуэ мазэм щегъэжьауэ абы и Iэтащхьэм и къа­лэнхэр игъэзащIэу къокIуэкI. Къэрал дамыгъэхэр къы­хуагъэфэщащ.
КIуэкIуэ Валерэ и цIэр зезыхьэ КьБМКъУ-р къиухащ, иужькIэ и щIэ­ныгъэм щыхигъэхъуащ Къэрал ­къулыкъумкIэ Кавказ Ищхъэрэ академием.
Унагъуэщ. Бынищ иIэщ.