Хэкур фIыуэ лъагъуным хуаущийУрысей гвардием и управленэу КъБР-м щыIэм и лэжьакIуэхэр щыIащ Бахъсэн щIыналъэм хыхьэ ХьэтIохъущыкъуей къуажэм дэт, Урысей гвардием и СОБР-м и лэжьакIуэ, зи къалэн зыгъэзащIэу хэкIуэда Дыкъынэ Замир Хьэсэнбий и къуэм и цIэр зезыхьэ кадет еджапIэ-интернат №1-м. Абыхэм еджакIуэ ныбжьыщIэхэм драгъэкIуэкIащ лIыгъэм и дерс, я лэжьыгъэми щыгъуазэ ящIащ. ЗэIущIэм хэтащ Урысей гвардием и управленэу КъБР-м щыIэм и ветеранхэм я советым и тхьэмадэ, полицэм и полковникыу лэжьыгъэм пэрыкIыжа Хужьокъуэ Руслан, Урысей гвардием Тэрч районым щиIэ, ведомствэм хэмыт и хъумакIуэ къудамэм и лэжьакIуэхэр. Гулъытэ хэха хуащIащ мэлыжьыхьым и 18-м ягъэлъэпIа, Урысейм и дзэ щIыхьым и махуэм и тхыдэм, кадетхэм къыгурагъэIуащ абы и къежьапIэмрэ къэралым дежкIэ иIэ мыхьэнэмрэ. Ахэр зэпсэлъэныгъэм жыджэру хэтащ, упщIэхэри я куэдт. КъинэмыщIауэ, Урысей гвардием и лIыкIуэхэм ныбжьыщIэхэр щыгъуазэ ящIащ я къулыкъущIапIэм епха еджапIэхэм узэрыщIэтIысхьэну щIыкIэхэм. - ЛIыгъэм и дерсыр мыхьэнэ зиIэщ кадет школым и еджакIуэхэм ямызакъуэу, Урысей гвардием и лэжьакIуэхэм я дежкIи. Мыпхуэдэ Iуэхухэр щхьэпэщ хэкупсэ лъапIэныгъэхэр зэтеухуэнымкIэ, абы гупыр хузэщIэIэтэнымрэ Хэкум и хъумакIуэхэр гъэсэнымкIэ, - къыхигъэщащ Хужьокъуэ Руслан.
Поделиться:
Читать также:
02.05.2024 - 12:43 →
Джэш хъурейм яужь йохьэ
30.04.2024 - 12:00 →
Италием бзылъхугъэу исым дахагъэкIэ ефIэкI адыгэ анэт
30.04.2024 - 10:00 →
Интернет хабзэншагъэм зэгъусэу пэщIоувэ
30.04.2024 - 09:00 →
КхъухьлъатэхэмкIи зызэпащIэ
28.04.2024 - 13:01 →
Архитекторхэм я зэфIэкIхэр
|