Бэждыгъу Аскэр къахожаныкIСанкт-Петербург къалэм и «Юбилейный» спорт уардэунэм иджыблагъэ щекIуэкIащ а къалэм и губернаторым и Кубокыр дзюдомкIэ къэхьыным хуэунэтIауэ ныбжьыщIэхэм я дунейпсо зэхьэзэхуэр. Абы кърихьэлIащ ди къэралым и щIыналъэхэм ящыщу 57-м, Белоруссием, Туркменистаным, Азербайджаным я спортсмену 800-м щIигъу. Я хьэлъагъ елъытауэ щIалэхэмрэ хъыджэбзхэмрэ гуп 17-у гуэшауэ щытащ.
Къэбэрдей-Балъкъэрым и бэнакIуэ Бэждыгъу Аскэр къызэрыхах зэIущIэу тхум щытекIуэри, финалым и Iыхьэ ныкъуэм къыщыхагъэщIащ. Ди щIалэм къытекIуащ Ингушым къикIа Парчиев Абдулыхь. ИужькIэ, домбеякъ медалым щхьэкIэ ар IущIащ ди республикэм и бэнакIуэ Шикляев Елдар. Аскэр абы текIуащ икIи зэхьэзэхуэм ещанэ увыпIэр къыщихьащ. ЩIалэр щыбанэр килограмм 66-рэ зи хьэлъагъхэр зыхэт гупырщ.
Поделиться:
Читать также:
25.04.2024 - 17:30 →
Олимп чемпионыр ящыгъупщэркъым
25.04.2024 - 17:00 →
Кубокыр къыздашэ
23.04.2024 - 20:03 →
Уанэш зэхьэзэхуэшхуэ
23.04.2024 - 17:06 →
Гуп зэпеуэм япэ щыхъуащ
23.04.2024 - 15:26 →
Урысейм щынэхъ лъэщхэр
|