Кубокыр къыздашэ

Краснодар крайм иджыблагъэ щрагъэкIуэкIащ Кубаным и Кубокыр футболымкIэ къэхьыным хуэунэтIа зэхьэзэхуэ зэIуха. Саугъэт лъапIэм щIэбэнащ къэралым и щIыналъэхэм щыщ ныбжьыщIи 150-м щIигъу.

ЗэIущIэ екIуэкIам зы топи и гъуэм къыщыдримыгъэгъэкIыу «Iуащхьэмахуэ 2012» командэм Къэбэрдей-Балъкъэрым дыщэ медалыр къыхуихьащ. Зэхьэзэхуэм и гъуащхьэтет нэхъыфIу абы къыщалъытащ Абей Дамир, гъуащхьауэ нэхъ лъэщу - КIуэкIуэ Астемыр, топджэгу нэхъыфIу - Мэремкъул Дамир сымэ.

Абы нэмыщI, а щIыналъэм иджыри щызэхэта зэхьэзэхуэм «Iуащхьэмахуэ 2011» командэм, кIэух зэпеуэм и Iыхьэ ныкъуэм къыщыхагъэщIа нэужь, ещанэ увыпIэр къыщихьащ. Соблыр Алихъан гъуащхьэхъумэ нэхъыфIу абы къыщалъытащ.