Ласицкене зэкIэ ещанэщ

22 января, 2024 - 12:27
Лукашевич Юрийрэ Середкин Вячеславрэ я фэеплъ урысейпсо зэхьэзэхуэ атлетикэ псынщIэмкIэ иджыблагъэ щекIуэкIащ Челябинск къалэм. Абы щызэпеуащ Урысеймрэ Белоруссиемрэ я спортсменхэр. 
Зэхьэзэхуэм хэтащ лъагапIэхэм елъэнымкIэ Олимп Джэгухэм я чемпионкэ Ласицкене (Кучинэ) Марие, ауэ, ди жагъуэ зэрыхъущи, ещанэ увыпIэм фIэкIа къыхуэхьакъым. Япэ увыпIэр иубыдащ Белоруссием щыщ Демидик Каринэ. Абы къищтащ метр I,92-рэ лъагагъыр. ЕтIуанэ хъуащ ди къэралым и спортсмен ныбжьыщIэ Спиридоновэ Наталье (метр I,90-рэ). Ласицкене къищтащ апхуэдэ дыдэ лъагапIэр, ауэ абы елъэгъуэ нэхъыбэ тригъэкIуэдащ.
«Нобэ къэзгъэлъэгъуахэм арэзы сыкъащIыркъым, ауэ ар си гум езгъэжалIэркъым. Си тренерым зэрыжиIэм хуэдэу сщIынущ - абы ещIэ Iуэхур зэрыхъунур икIи адэкIэ сыкIуэтэн хуейуэ аращ. Иджы сэ сыхэтынущ Мэзкуу къалэм мыгувэу щекIуэкIыну зэхьэзэхуэм, абы иужькIэ - «Битва полов», «Урысей щIымахуэр» зэпеуэхэм, Урысей Федерацэм и чемпионатым, нэгъуэщIхэми.
Си узыншагъэм сытегузэвыхьыркъым, си Iэпкълъэпкъри хуэхьэзырщ къыспэщылъ лъагапIэхэм. Къысхуэнэжыр си техникэм селэжьын хуейуэ аращ», - жиIащ Ласицкене Марие зэпеуэ нэужьым. 
ХЬЭЩЫКЪУЕЙ Олег.
  • 18 просмотров
Поделиться:

Читать также:

25.04.2024 - 17:30 → Олимп чемпионыр ящыгъупщэркъым
25.04.2024 - 17:00 → Кубокыр къыздашэ
23.04.2024 - 20:03 → Уанэш зэхьэзэхуэшхуэ
23.04.2024 - 17:06 → Гуп зэпеуэм япэ щыхъуащ
23.04.2024 - 15:26 → Урысейм щынэхъ лъэщхэр