«Шэрджэсыр» нэхъ жант

Урысейм и ипщэ щIыналъэм и Кубокыр къэхьыным теухуа зэхьэзэхуэм япэ увыпIэр къыщихьащ Дыгулыбгъуей къуажэм и «Шэрджэс» командэм. Ди щIалэхэм джэгугъуихми зы топ фIэкIа я гъуэм дагъэкIакъым, зэкIэлъыпыту текIуэныгъих къахьри, кIэух зэIущIэм 3:0 бжыгъэкIэ Краснодар крайм и «Аполлония» командэр щыхигъащIэри, Кубокыр къихьащ. Абы къищынэмыщIауэ, нэхъыфIу зэпеуэм щыджэгуауэ къалъыта футболист къэс саугъэт къратащ. Ахэр Гъуэщокъуэ Арсен, Къардэн Темырлан, Соблыр Астемыр, Мыд Казбек, Кхъуэнэ Аслъэнбэч сымэщ. Хьэрхуэрэгъухэм я гъуэм топ нэхъыбэ дэзыгъэкIа Гъуэщокъуэ Арсен саугъэт щхьэхуэ къратащ.