Тамаевым бжьыпэр иIыгъщ Къэбэрдей-Балъкъэрым и гъэмахуэ чемпионатым хэтхэм я хьэрхуэрэгъухэм я гъуэм топ нэхъыбэ дэзыгъэкIхэм къахэжаныкIыр Тамаев Аланщ - нобэкIэ а бжыгъэр 14 мэхъу.
ГъэщIэгъуэнращи, иужь зэIущIэм ар зыхэт Шэджэм и «Шэрджэсыр» бжыгъэшхуэкIэ, 8:1-уэ, япэ увыпIэр зыIыгъ Алтуд и «Искра»-м къыхигъэщIащ. А зы топ закъуэри дэзыгъэкIар Тамаевырщ. ЕтIуанэ увыпIэр, тIуми топ 11 гъуэм дагъэкIауэ, Псынэдахэ и «Родник»-м хэт Бэчбо Муратрэ Зеикъуэ и «Шагъдийм» щыджэгу Урысбий Ратмиррэ яIыгъщ. Абыхэм якIэлъокIуэ япэ увыпIэр зыIыгъ «Искра»-м хэтхэу Апажэ Чэримрэ (топи 10) Урыс Аслъэнрэ (топи 9), етхуанэр Хьэшыр Къантемырщ (топи 7). Ар «Акъбащым» и футболистщ.
Зэдэджэгунухэр ягъэбелджылащ
Къэбэрдей-Балъкъэрым футболымкIэ и федерацэм и Кубокым щIэбэнахэм ящыщу къэнэжа командихыр зэрызэдэджэгуну щIыкIэр зэхагъэкIащ.
«Рассвет»-р «Лашынкъейм» IущIэнущ, «САШ Шагъдиймрэ» «Аушыджэрымрэ», «Щхьэлыкъуэмрэ» «Кубамрэ» зэIущIэнухэщ. Щыджэгуну щIыпIэхэр пхъэидзэкIэ зэхагъэкIынущ. «Энергетик»-р зыдэджэгунур сэтей щыхъунур «Къармэхьэблэмрэ» «Къубэ-Тэбэмрэ» я мыарэзыныгъэм хэплъа иужьщ.
Поделиться:
Читать также:
29.04.2024 - 12:26 →
Дызэрыпагэ гъуащхьэтет
25.04.2024 - 17:30 →
Олимп чемпионыр ящыгъупщэркъым
25.04.2024 - 17:00 →
Кубокыр къыздашэ
23.04.2024 - 20:03 →
Уанэш зэхьэзэхуэшхуэ
23.04.2024 - 17:06 →
Гуп зэпеуэм япэ щыхъуащ
|