Урысейм щагъэлъапIэ Лъы зытым и махуэр
1656 гъэм Урысейм дыжьын ахъшэ жьгъейхэм я пIэкIэ гъуаплъэм къыхэщIыкIахэр къыщежьащ.
1770 гъэм Кук Джеймс къихутащ Ипщэ-КъуэкIыпIэ Австралиер.
1841 гъэм литературэм щыяпэу къыдэкIащ япэ детектив рассказыр. Ар По Эдгар итха «Убийство на улице Морг» жыхуиIэрт.
1843 гъэм Урысейм къэрал мылъкумкIэ и министерствэм унафэ къыдигъэкIащ мэкъумэшыщIэхэр Сыбырым гъэIэпхъуэным теухуауэ, а щIыналъэм зегъэужьын мурадкIэ. А щIыпIэм кIуэным тегушхуэхэм мылъкукIэ, псэупIэкIэ къэралым защIигъакъуэрт.
1901 гъэм Iэтауэ къызэIуахащ Москва дэт консерваторием и Залышхуэр.
1902 гъэм Кюри зэщхьэгъусэхэу Мариерэ Пьеррэ радий элементыр къагъуэтащ.
1920 гъэм хоккейр Олимп Джэгухэм я программэм хагъэхьащ.
1922 гъэм Куржы ССР-м хэту къызэрагъэпэщащ Осетие Ипщэ автономнэ областыр, Цхинвали и къалащхьэу.
1924 гъэм Тырку Республикэм и Конституцэр къащтащ.
1937 гъэм Къэбэрдей-Балъкъэрым щыщ Прохладнэ станицэр къалэ хъуащ.
1958 гъэм Тэтэрстаным и «Рубин» футбол клубыр къызэрагъэпэщащ.
1808 гъэм къалъхуащ Франджы республикэм и япэ президент икIи и иужьрей император Наполеон III.
1925 гъэм къалъхуащ КъБР-м щIыхь зиIэ и сурэтыщI Сындыку Тобий (Анатолэ).
1927 гъэм къалъхуащ совет актёр, РСФСР-м щIыхь зиIэ и артист, «Белое солнце пустыни» фильм цIэрыIуэм щигъэзэщIа ролым папщIэ Урысейм и Къэрал саугъэтыр зрата Луспекаев Павел.
1932 гъэм къалъхуащ режиссёр, УФ-ми КъБР-ми гъуазджэхэмкIэ щIыхь зиIэ я лэжьакIуэ, КъБР-м и Къэрал саугъэтыр зрата Теувэж СулътIан.
1933 гъэм къалъхуащ КъБР-м щIыхь зиIэ и журналист НэщIэпыджэ Ибрэхьим.
1940 гъэм къалъхуащ УФ-ми КъБР-ми щэнхабзэмкIэ щIыхь зиIэ я лэжьакIуэ, ЩIДАА-м и академик Джырандокъуэ Михаил.
1940 гъэм къалъхуащ Германием щылажьэ адыгэ хасэхэм я зэгухьэныгъэм и тхьэмадэ ТIамжьыкъуэ (Цей) Умар Фарукъ.
1949 гъэм къалъхуащ «Эльбрус» тхылъ тедзапIэм и унафэщI, КъБР-мрэ КъШР-мрэ я цIыхубэ усакIуэ, КъБР-м и Къэрал саугъэтыр зрата Ацкъан Руслан.
1950 гъэм къалъхуащ къэрал, дзэ къулыкъущIэ, генерал-лейтенант, Красноярск крайм и губернатору, УФ-м ШынагъуэншагъэмкIэ и Советым и УнафэщIу щыта Лебедь Александр.
1958 гъэм къалъхуащ совет хоккеист цIэрыIуэ, Олимп чемпион, Урысейм щIыхь зиIэ и тренер, УФ-м Физкультурэмрэ спортымкIэ и къэрал комитетым и унафэщIу щыта Фетисов Вячеслав.
1955 гъэм къалъхуащ Белгород къалэм потребкооперацэмкIэ и университетым и къудамэу Налшык дэтым и ректору щыта, педагогикэ щIэныгъэхэмкIэ доктор, профессор, УФ-ми КъБР-ми егъэджэныгъэмкIэ щIыхь зиIэ я лэжьакIуэ Щоджэн Ахьмэд.
1965 гъэм къалъхуащ биологие щIэныгъэхэмкIэ доктор, КъБКъМУ-м и профессор Беслъэней Эдуард.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градуси I0 – II, жэщым градуси 6 - 7 щыхъунущ.
Лъэпкъ Iущыгъэ:
ФIым илъэгъуар еIуэтэж, Iейм итар жеIэж.
