29 сентября, 2023 - 13:00
2023 гъэм и бжьыхьэм цIыхухэр дзэ къулыкъум ираджэныр къызэгъэпэщын папщIэ лэжьыпхъэхэм я IуэхукIэ
«Дзэм къулыкъу щащIэну я пщэ дэлъ къалэнымрэ дзэ къулыкъумрэ я IуэхукIэ» Федеральнэ законым ипкъ иткIэ, 1996 - 2005 гъэхэм хиубыдэу къалъхуа цIыхухэу зи ныбжьыр илъэс 27-м нэмыса икIи запасым щымыIэ цIыхухэр 2023 гъэм и бжьыхьэм дзэ къулыкъум ираджэныр къызэрагъэпэщын мурадкIэ унафэ сощI:
1. Мы Указым щIыгъу гуэдзэнхэр къэщтэн:
Къэбэрдей-Балъкъэр Республикэм и комиссэм хэтхэр;
Къэбэрдей-Балъкъэр Республикэм и муниципальнэ районхэмрэ къалэ округхэмрэ цIыхухэр дзэм еджэным пыщIа я комиссэхэм хэтхэр;
2023 гъэм и бжьыхьэм дзэ къулыкъум ираджэн хуей цIыхухэм я узыншагъэр зыхуэдэр къэзыпщытэну икIи еIэзэну медицинэ IуэхущIапIэхэр зыхуэдэр.
2. Къэбэрдей-Балъкъэр Республикэм и муниципальнэ районхэмрэ къалэ округхэмрэ я щIыпIэ самоуправленэм и органхэм яхуэгъэлъэгъуэн 2023 гъэм и бжьыхьэм дзэ къулыкъум цIыхухэр ираджэныр ягъэува пIалъэхэм къитIасэу Къэбэрдей-Балъкъэр Республикэм и дзэ комиссариатым, Къэбэрдей-Балъкъэр Республикэм и къэрал властым и гъэзэщIакIуэ органхэм я гъусэу зэфIагъэкIыну.
3. Къэбэрдей-Балъкъэр Республикэм Къэрал кIуэцI IуэхухэмкIэ министерствэу щыIэм Урысей Федерацэм Къэрал кIуэцI IуэхухэмкIэ и министерствэм транспортым щиIэ Налшык линие къудамэмрэ яхуэгъэлъэгъуэн цIыхухэр щраджэ, гупхэр щрагъажьэ махуэхэм республикэм и щраджэ щIыпIэхэм, гъущI гъуэгу станцхэм, автовокзалхэм жылагъуэ хабзэм тетыныр къыщызэрагъэпэщыну.
4. Къэбэрдей-Балъкъэр Республикэм ЩэнхабзэмкIэ и министерствэм къызэригъэпэщын хуейщ цIыхухэр дзэ къулыкъум зэрыраджэм ехьэлIауэ екIуэкIхэр хъыбарегъащIэ IуэхущIапIэхэм къыщагъэлъэгъуэныр.
Мы Указым къару егъуэт Iэ щыщIэздза махуэм щегъэжьауэ.
Къэбэрдей-Балъкъэр Республикэм и Iэтащхьэ КIуэкIуэ Казбек.
Налшык къалэ
2023 гъэм фокIадэм и 25-м
№94-УГ
