Къэпщытэныгъэхэр ирагъэкIуэкI

Ведомствэхэм зэщIыгъуу ирагъэкIуэкI «Быт» профилактикэ Iуэхум ипкъ иткIэ полицейхэмрэ УФСИН-м и лэжьакIуэхэмрэ къапщытащ Шэджэм районым хыхьэ Нартан къуажэм щыщ унагъуэхэу я нэIэм щIэтхэр.

Iуэхур хуэунэтIащ унагъуэ-псэупIэ зэхущытыкIэхэр и лъабжьэу ялэжь щIэпхъаджагъэ хьэлъэ, хьэлъэ дыдэхэр къэмыгъэхъуным, адэ-анэхэр фадэм щыдихьэх, балигъ мыхъуа сабийхэр щамыгъасэ унагъуэ хуэмыщIахэм ядэлэжьэным.
Урысей МВД-м Шэджэм районымкIэ и къудамэм полицэм и участковэ уполномоченнэхэм, балигъ мыхъуахэм я IуэхухэмкIэ инспекторхэм КъБР-м щыIэ      УФСИН-м и Уголовнэ-гъэзэщIакIуэ инспекцэм и Шэджэм муниципальнэ къудамэм и лэжьакIуэхэм зэщIыгъуу апхуэдэ Iуэху ирагъэкIуэкIащ, къудамэм и Жылагъуэ советым хэт Бырсекъуэ Къэралбий я гъусэу.
КъызэгъэпэщакIуэхэм къыщIагъэщащ адэ-анэ зыбжанэм балигъ мыхъуахэр гъэсэнымкIэ, зыхуей хуэгъэзэнымкIэ я къалэнхэр ямыгъэзащIэу. Зым ехьэлIа административнэ тхылъ зэхагъэуващ УФ-м и КоАП-м и 5.35 статьям и 1-нэ Iыхьэм ипкъ иткIэ. Абы щыхэплъэнущ Шэджэм район администрацэм балигъ мыхъуахэм я хуитыныгъэхэр хъумэнымкIэ комиссэм и зэIущIэм.
.