Балигъхэри сабийхэри фрагъэблагъэ

«Парк столетия» зыгъэпсэхупIэм хыхьэу яухуа гъуазджэ галереем IэпщIэлъапщIэхэм ИлъэсыщIэ зыгъэпсэхугъуэ махуэхэм балигъхэмрэ сабийхэмрэ папщIэ мастер-классхэр щат. 
Илъэсым и пэщIэдзэр и зэманщ щIэхэм зыхуэбгъэсэну е уи зэфIэкIхэм хэбгъэхъуэну. Псалъэм папщIэ, тхылъымпIэм къыхэщIыкIа стаканхэм сурэт щхъуэкIэплъыкIэхэр тращIыхьащ мы гъэм щIышылэм и 2-м япэу ята мастер-классым хэта ныбжьыщIэхэм. Iуэху дахэм щIышылэм и 4-м пащащ. Абы фыхэтыну фыхунэмысамэ, «Парк столетия» галереем щIышылэм и 6-м сыхьэт 16-м щекIуэкIыну мастер-классым балигъхэри сабийхэри фрагъэблагъэ. Iуэхур пщIэншэу къызэригъэпэщащ къалэм зегъэужьынымкIэ «Платформа» институтым. Зыгъэпсэхугъуэ махуэр щхьэпэу икIи нэгузыужьу зыгъэкIуэну гукъыдэж зиIэхэм,  Iуэхур къызэзыгъэпэщахэм абы и пэ иту зыхевгъэтхэн хуейщ.