ИлъэсыщIэ кинохэр ягъэлъагъуэ

ИлъэсыщIэ зыгъэпсэхугъуэ махуэхэм пщыхьэщхьэм сыхьэт I9-м щIидзэу Къуэныкъуей уэрамым щаухуа «Курортнэ» зыгъэпсэхупIэм и киногъэлъэгъуапIэм ИлъэсыщIэ кинохэр щагъэлъагъуэ. Iуэхур къызэригъэпэщащ Налшык къалэ администрацэм, къалэм зегъэужьынымкIэ «Платформа» институтыр и дэIэпыкъуэгъуу.
ЩIышылэм и 2-м киногъэлъэгъуапIэр цIыху кIуапIэу щытащ. Абдеж щагъэува тетIысхьэпIэхэм тесу, хьэуа къабзэкIэ бауэу «Один дома» ИлъэсыщIэ кином щIалэгъуалэр щеплъащ. Ныщхьэбэ сыхьэт I9-м абдеж фрагъэблагъэ куэдым фIыуэ ялъэгъуа «Карнавальная ночь» фильмым. Ныбжьэгъухэм, благъэхэм, унагъуэм я гъусэу шей, кофе пщтыррэ IэфIыкIэрэ фIыгъыу фызэплъыну ИлъэсыщIэ кинохэр налшыкдэсхэмрэ абы и хьэщIэхэмрэ гукъинэж зэрыфщыхъунум шэч хэлъкъым!
Фигу къэдгъэкIыжынщи, щIышылэм и 5-м щыщIэдзауэ щIышылэм и I4 пщIондэ Абхъазым и утым сыхьэт I2-м, сыхьэт I7-м щIидзэу уэрам театрхэм щагъэлъэгъуэнущ «Белые сны», «Дела Пингвинов», «Колокольчики соединяют сердца», «Войлочные истории» ИлъэсыщIэ теплъэгъуэхэр.