Хабзэхъумэ 200-м щIигъум лъы ятащ

22 апреля, 2022 - 14:36

Лъы зытым и махуэм Налшык къалэм щекIуэкIа псапащIэ Iуэхум хэтащ Къэбэрдей-Балъкъэрым и полицейхэри. Апхуэдэ Iуэхухэр къыщызэрагъэпэщащ республикэм и районхэми.

Къэрал кIуэцI IуэхухэмкIэ министерствэу КъБР-м щыIэм, абы и щIыналъэ органхэм я IэнатIэ зэмылIэужьыгъуэхэм я лэжьакIуэ 200-м щIигъум лъы ятащ а махуэ. Хабзэхъумэхэм ящIэ зи узыншагъэм тегузэвыхьым и чэзум дэIэпыкъуэгъу хуэхъуным мыхьэнэшхуэ зэриIэр. Iэмал имыIэу лъы зыхэкIэн хуей цIыху сымаджэщым къыщыщыхутэну дакъикъэр зыми ищIэркъым. 
- Мыхьэнэшхуэ иIэщ щытыкIэ гугъум къихутам и чэзум дэIэпыкъуным. Мыпхуэдэ Iуэхухэр егъэкIуэкIыным зы цIыху гъащIэкъым къригъэлыфынур, - жаIэ полицэм и лэжьакIуэхэм. 
Полицейхэр щогугъ ята лъыр абы хуэныкъуэ куэдым я узыншагъэр яхъумэнымкIэ щIэгъэкъуэн яхуэхъуну. 

 

УЭРДОКЪУЭ Женя.
  • 26 просмотров
Поделиться: