Къэбэрдей-Балъкъэрым зыхуейр къыхихащ

Махуищым къриубыдэу къэралым щекIуэкIа хэхыныгъэхэр Къэбэрдей-Балъкъэрми и чэзум щызэхуащIыжри, комиссэм бжэн щIидзащ. 
КъБР-м и ХэхакIуэ комиссэм гъатхэпэм и 17-м, сыхьэт 18-рэ дакъикъэ 11-м къызэритамкIэ, а зэманым ирихьэлIэу республикэм Iэ зыIэтын хуейуэ исым и процент 92,57-р хэхыпIэхэм екIуэлIат. 
КъБР-м и Iэтащхьэ КIуэкIуэ Казбек Къэбэрдей-Балъкъэрым исхэм захуигъэзащ: «ФIыщIэ хузощI зи къалэныр къэралым и пащхьэ щызыгъэзэщIа дэтхэнэ зыми. Ди республикэм ис цIыхубэм къагъэлъэгъуащ я хэкупсагъэм кIэ зэримыIэр, къэралым и пащхьэ щахь жэуаплыныгъэр зэрызыхащIэр, политикэ Iуэхум зэрыхащIыкIыр, абы зэрыхуэIущыр. Апхуэдэуи фIыщIэ яхуэсщIыну сыхуейщ ди пщэ дэкIа Iуэхушхуэр къызэзыгъэпэщахэмрэ езыгъэкIуэкIахэмрэ. 
Къэбэрдей-Балъкъэр Республикэм махуищри зэпIэзэрыту щекIуэкIащ. Хуабжьу сропагэ ди лъахэм зэкъуэту зэдис лъэпкъ зэмылIэужьыгъуэхэм сакъызэрыхэкIам. Къэбэрдей-Балъкъэрым зыхуейр къыхихащ!».