Махуэгъэпс

ФокIадэм и 6, бэрэжьей

1939 гъэм Налшык шыгъэжапIэ къыщызэIуахащ.
1942 гъэм ВЛКСМ-м и обкомым Къэбэрдей-Балъкъэрым и щIалэгъуалэр къыхуриджащ нэмыцэ-фашист зэрыпхъуакIуэхэм ялъэкI псомкIи япэщIэувэну.
2001 гъэм Урысей Федерацэм и Президент Путин Владимир Къэбэрдей-Балъкъэр Республикэм къэкIуащ.
1950 гъэм къалъхуащ КъБР-м щIэныгъэ IуэхухэмкIэ щIыхь зиIэ и лэжьакIуэ Щэрдан Анатолэ.

ФокIадэм и 5, гъубж

Псапэ щIэным и дунейпсо махуэщ
1936 гъэм Бахъсэн ГЭС-р лажьэу яутIыпщащ
1895 гъэм къалъхуащ усакIуэ, композитор, пшынауэ, уэрэджыIакIуэ, КъБР-м гъуазджэхэмкIэ щIыхь зиIэ и лэжьакIуэ Къэжэр Индрис.
1933 гъэм къалъхуащ УФ-ми КъБР-ми щIыхь зиIэ я энергетик, жылагъуэ лэжьакIуэ Къущхьэ Мухьэжид.

Дунейм и щытыкIэнур

ШыщхьэуIум и 31, махуэку

         Блогым и дунейпсо махуэщ

         1971гъэм Къэбэрдей-Балъкъэрым Октябрь Революцэ орденыр къратащ.

         1902 гъэм къалъхуащ филологие щIэныгъэхэмкIэ доктор, профессор, адыгэбзэр джыным хэлъхьэныгъэшхуэ хуэзыщIа Турчанинов Георгий.

         1928 гъэм къалъхуащ психологие щIэныгъэхэмкIэ доктор, профессор, УФ-м щIэныгъэмкIэ щIыхь зиIэ и лэжьакIуэ КIытIэ Ахьмэд.

ШыщхьэуIум и 30, бэрэжьей

ШыщхьэуIум и 29, гъубж

         Ядернэ Iэщэхэр гъэунэхуныр мыдэным и дунейпсо махуэщ

         Урысейм и МВД-м и къэрал кIуэцI дзэхэм я гуп хэхахэм я махуэщ

         1972 гъэм Германием и Мюнхен къалэм щекIуэкIа XX  гъэмахуэ Олимп джэгухэм лъакъуэрыгъажэ спорт лIэужьыгъуэмкIэ дыщэ медаль къыщихьащ адыгэ щIалэ Шыхъуэ Борис.

ШыщхьэуIум и 28, блыщхьэ

ШыщхьэуIум и 25,  мэрем

Дзыгъуэнэфым и дунейпсо махуэщ

1530 гъэм къалъхуащ Рюриковичхэ ящыщ япэ урыс пащтыхь, адыгэпщ Идар Темрыкъуэ и малъхъэ Иван IV Грознэр.

1960 гъэм къалъхуащ нейрохирург, медицинэ щIэныгъэхэмкIэ доктор, КъБР-м щIэныгъэмкIэ щIыхь зиIэ и лэжьакIуэ Семэн Жаннэ.

ШыщхьэуIум и 24, махуэку

1830 гъэм дунейм ехыжащ Къэбэрдей пщы уэлий хахуэ Жанхъуэт Кушыку.
1943 гъэм Къардэн Къубатий Совет Союзым и ЛIыхъужь цIэр къыфIащащ.
2008 гъэм Пекин щызэхуащIыжащ XXIX гъэмахуэ Олимп джэгухэр. Китайм и къалащхьэм дыщэ медаль къытхурихауэ щытащ адыгэ бэнакIуэ Хъущт Аслъэнбэч.
1943 гъэм къалъхуащ адыгей усакIуэ, зэдзэкIакIуэ КъумпIыл Къадырбэч.

ШыщхьэуIум и 23,  бэрэжьей
ГъэрхэмкIэ сату щIыным хэкIуэдахэм я фэеплъыр щагъэлъапIэ дунейпсо махуэщ
1992 гъэм ЩIэныгъэхэмкIэ Дунейпсо Адыгэ академиер къызэрагъэпэщащ.
1926 гъэм къалъхуащ КъБР-м щIыхь зиIэ и артисткэ Шортэн Даниткэ.
1956 гъэм къалъхуащ пшынауэ, УФ-м щIыхь зиIэ и артист, КъБР-м гъуазджэхэмкIэ щIыхь зиIэ и лэжьакIуэ ХьэпащIэ Заудин.
Дунейм и щытыкIэнур

ШыщхьэуIум и 22, гъубж

         Урысей Федерацэм и Къэрал ныпым и махуэщ

         1937 гъэм КIыщокъуэ Алим и адэ Пщымахуээ дунейм ехыжащ.

         1959 гъэм Тэрч къалэ щатащ налмэс Iэмэпсымэхэр къыщыщIагъэкI завод.

         1910 гъэм къалъхуащ «ЩIыхь» орденым и нагъыщищри зрата Мусэ Менлы.

         1924 гъэм къалъхуащ комбайнер, Социалист Лэжьыгъэм и ЛIыхъужь Кудряшовэ Александрэ.