ЗэIущIэхэр

КъБР-м и Iэтащхьэ КIуэкIуэ Казбек иригъэ­кIуэкIащ илъэс дызыхуэкIуэм республикэм и бюд­жетыр зыхуэдэнур щызэпкъраха зэIущIэ.

КъБР-м и Iэтащхьэ КIуэкIуэ Казбек видео­конференц IэмалкIэ хэтащ УФ-м и вице-премьер Хуснуллин Марат иригъэкIуэкIа, Правитель­ствэм щIыналъэм зегъэужьынымкIэ и комис­-сэм и президиумым и зэIущIэм. Къы­зэхуэса­-  хэр абы щы­тепсэлъыхьащ «Псэу­пIэ­хэмрэ къалэ гъащIэмрэ» лъэпкъ проектыр гъэ­зэщIа зэры­хъум. 

КъБР-м и Iэтащхьэ КIуэкIуэ Казбек яIущIащ «Iуэху гуапэхэм я фондым» хэт хьэрычэтыщIэхэм. 

Къэбэрдей-Балъкъэрым и Iэтащхьэ КIуэкIуэ Казбек видеозэпыщIэныгъэ Iэмалхэр къигъэсэбэпу хэтащ Наркотикым пэщIэтынымкIэ къэрал комитетым и зэIущIэм. Ар иригъэкIуэкIащ УФ-м и къэ­рал кIуэцI IуэхухэмкIэ ми­нистр, полицэм и генерал Колокольцев Владимир. 

КъБР-м и Iэтащхьэ КIуэ­кIуэ Казбек иджыблагъэ еплъащ 2022 - 2024 гъэхэм къриубыдэу яухын пап­щIэ федеральнэ мылъкум къыхэкIыу сом мелардым щIигъу къызыхуаутIыпща, ЩIалэгъуалэ зэчиифIэхэм я уардэунэм ехьэ­лIа ухуэныгъэхэр зэ­ре­кIуэкIым. 

Псыхуабэ щызэхэтащ Кавказ Ищхъэрэм и къалэхэм я унафэщIхэм я зэIущIэ.

Ар теухуат зэгуэр турист кIуапIэрэ зыгъэпсэхупIэу щыта ди щIыналъэхэм курортхэмрэ санаторэхэмрэ щызэфIэгъэувэжауэ, ар ди цIыхубэм щIэрыщIэу яхуэгъэлэжьэным. Зэхуэсым къекIуэлIахэм зытепсэлъыхьын яIэт. Ахэр зэдэгуэшащ я Iуэху еплъыкIэхэмрэ нобэ яIэ хэкIыпIэхэмкIэ.

КъБР-м и Iэтащхьэ КIуэкIуэ Казбек Москва щыIэу, видео­зэпыщIэныгъэ IэмалхэмкIэ хэтащ ЩIыналъэ зыужьыныгъэмкIэ правительствэ комис­сэм и президиумым и зэIущIэм. Ар иригъэкIуэкIащ ­УФ-м и Правительствэм и УнафэщIым и къуэдзэ Хуснуллин Марат. 

Чайкэ Юрий и унафэм щIэту ­Пятигорск къалэм щекIуэкIащ Урысей Федерацэм и Президентым и полномочнэ лIыкIуэу Кавказ Ищхъэрэ федеральнэ округым щыIэм и деж щылажьэ Советым и зи чэзу зэIущIэр.

«Кавказ.РФ»-м и пресс-IуэхущIапIэм хъыбар къызэрыдигъэщIамкIэ, Кавказ Ищхъэрэм и бгы-лыжэ зыгъэпсэхупIэхэм щэбэт-тхьэмахуэ махуэхэм къэкIуащ Къэбэрдей-Балъкъэр, Къэрэшей-Шэрджэс республикэхэм щыщ, Ставрополь, Краснодар крайхэм, Урысейм и нэгъуэщI хэгъуэгухэм къикIа турист куэд.

«Архыз» и кIапсэ гъуэгумкIэ бгым дэкIащ цIыху минитIым щIигъу, Iуащхьэмахуэ - цIыху зы минрэ щитхурэ. А махуитIым Къэрэшей-Шэрджэсым и зыгъэпсэхупэм екIуэлIащ цIыху мини 4, Европэм и бгы нэхъ лъагэ дыдэм - цIыху мини 2,5-рэ.

КъБР- м и Iэтащхьэ КIуэкIуэ Казбекрэ «Зэчиймрэ ехъулIэныгъэмрэ» щIэныгъэ фондым и унафэщI, «ЩIэныгъэ» лъэпкъ проектым и Жылагъуэ-гъэзэщIакIуэ советым и унафэщI Шмелёвэ Еленэрэ ирагъэкIуэкIащ Гъуазджэм, спортым, егъэджэныгъэмрэ щIэ­ныгъэмрэ зэфIэкI къыщызыгъэ­лъагъуэ сабийхэм зегъэужьыным хуэгъэпсауэ КъБР-м щылажьэ «Антарес» щIыналъэ центрым и Попечительскэ советым и зи чэзу зэIущIэр.