|
Щэнхабзэ
24 октября, 2023 - 07:28
Айвазовский Иван дуней псом щыцIэрыIуэ сурэтыщIщ. Тенджызым и теплъэр нэхъыбэ дыдэрэ къэзыгъэлъэгъуар аращ - и IэдакъэщIэкIхэм дамыгъэ щыхъуащ тенджызыр. Айвазовскэр Луврым зи IэдакъэщIэкI щIалъхьа япэ урыс сурэтыщIщ. И гъащIэм къриубыдэу абы ищIащ сурэт 6000 нэс - ар куэд мэхъу. Илъэсым къриубыдэу сурэт 90 хуэдиз дунейм къытригъэхьэрт. Гъэлъэгъуэныгъэу иIащ 120-рэ. Айвазовскэм сурэт зэрищI щIыкIэр гъэщIэгъуэнт. Теплъэр игу ириубыдэрти, сыхьэт бжыгъэм къриубыдэу е махуэ зыбжанэкIэ ар гурыгъуазэкIэ тхылъымпIэм нигъэсырт. Сурэт щхьэхуэ щелэжьым деж абы ирихьэлIэ гуащIэм езым и гур игъэнщIыжырт. И письмохэм сыт щыгъуи къыхэщт, «сурэт нэхъыфI дыдэм елэжьу». Дэтхэнэ лэжьыгъэри нэхъыфIу къилъытэрт.
23 октября, 2023 - 12:27
Бахъсэн щIыналъэм хыхьэ Кыщпэк къуажэм и курыт еджапIэм и музейр нэхъыфIхэм ящыщу къыщалъытащ «Школьный музей – взгляд в будущее» урысейпсо зэпеуэм. Ар УФ-м ЕгъэджэныгъэмкIэ и министерствэмрэ ТекIуэныгъэм и музейм жэрдэмхэмкIэ и фондыммрэ къызэрагъэпэщащ, «Егъэджэныгъэ» лъэпкъ проектым хыхьэу.
КъызэгъэпэщакIуэхэм я мурад нэхъыщхьэр – къэралым и щэнхабзэмрэ тхыдэмрэ хъумэнырщ, щIыналъэхэм щыIэ егъэджэныгъэ, Хэку лъагъуныгъэ, гъэсэныгъэ Iэмал, Iуэху бгъэдыхьэкIэ нэхъыфIхэм зегъэубгъунырщ.
23 октября, 2023 - 12:18
Ныр (Шэбэзджэрий) Рае 1948 гъэм жэпуэгъуэм и I5-м Курыт Азием къыщалъхуащ. Абы и унагъуэр Къэбэрдей-Балкъэрым къыщыIэпхъуэжар I959 гъэрщ. Хъыджэбзым курыт школыр къиухащ, Налшык педагогикэ училищэм, КъБКъУ-м тхыдэмкIэ и къудамэм щеджащ. Уеблэмэ егъэджакIуэ IэщIагъэм Рае зы зэманкIэ ирилэжьащ.
22 октября, 2023 - 06:36
КъБКъУ-м и «Точка кипения» IуэхущIапIэм щекIуэкIащ художникхэмрэ гъуазджэм и лэжьакIуэхэмрэ я академическэ проектым хыхьэу къызэрагъэпэща «Традиции и новаторство в творчестве современных художников Северного Кавказа» етIуанэ лъэпкъыбэ щIэныгъэ-практикэ конференцыр. Ар ящыщ зыт ХудожествэхэмкIэ Урысей Академиемрэ (РАХ) УФ-м и СурэтыщIхэм я зэгухьэныгъэмрэ зэдалэжьа «Образ женщины в творчестве современных художников Северного Кавказа» Iуэхум хыхьэу Налшык щрагъэкIуэкIахэм.
18 октября, 2023 - 11:38
ГъуазджэхэмкIэ Кавказ Ищхъэрэ къэрал институтым уэрэд жыIэнымрэ дирижированэмкIэ и кафедрэм и 5-нэ курсым и студентхэу Сиихъу Данэ, Рамазановэ Каринэ, Пшенкин Виктор сымэ гъэ еджэгъуэщIэм ехъулIэныгъэфIхэр зыIэрагъэхьащ.
ГъуазджэхэмкIэ Кавказ Ищхъэрэ къэрал институтым и студентхэу Сиихъу Данэрэ Рамазановэ Каринэрэ Москва областым академическэ уэрэдхэр жыIэнымкIэ щекIуэкIа урысейпсо зэпеуэм и лауреат хъуащ. Данэ игъэзэщIащ Чайковский Пётр и «Пиковая дама» оперэм хэт Лизэ и ариер. Каринэ игъэзэщIащ Римский-Корсаков Николай и «Снегурочка» оперэм щыщ ариер.
18 октября, 2023 - 06:53
Щэлэуат хъужыр ЛIыкIуэ лъапIэу щэлатымрэ сэламымрэ зэхам Алыхьталэм и фIыгъуэр къеуэлIэну узэрыхуэлъаIуэ псалъэхэрщ. Псалъэм папщIэ, нэмэзым хэт Iэтэхьиятым и кIэм жаIэ хабзэ «Iэллахьуммэ, щэлли гьэла Мухьэммэдин…» псалъэхэри щэлэуатым и зы лIэужьыгъуэщ. Апхуэдэхэр куэд дыдэ мэхъу, кIыхьи кIэщIи яхэту. Ауэ шэч закъуи къытумыхьэу, уигу илъыпхъэр зыщ: щэлэуат нэхъыбэ къэпхьыху, уи дежкIэ нэхъыфIщ. Бегъымбар лъапIэу щэлатрэ сэламрэ зэхам Алыхьталэм и пащхьэм щиIэ увыпIэр апхуэдизкIэ лъагэщи, уеблэмэ ар зыгъэлъапIэ хъуэхъу къызыкIэлъымыкIуэ духьэм жэуап имыIэнкIэ шынагъуэщ.
17 октября, 2023 - 07:32
Урысейм ХудожествэхэмкIэ и академиемрэ Урысейм и СурэтыщIхэм я зэгухьэныгъэмрэ зэгъусэу къыхалъхьа жэрдэмым ипкъ иткIэ Къэбэрдей-Балъкъэрым и цIыхубэ сурэтыщI ГъущIапщэ Арсен и гъэлъэгъуэныгъэр Иджырей гъуазджэмкIэ унэм щекIуэкIащ. СурэтыщIым и IэдакъэщIэкIхэр зрагъэлъагъуну щIэхъуэпсхэр КъБР-м и къэралыгъуэр илъэси 100 щрикъум ирихьэлIэу къызэIуаха паркым ит гъуазджэщым мы махуэхэм щопэкIу.
16 октября, 2023 - 14:12
Литературэ тхыгъэ зэдзыкIыгъэхэм я фIыгъэкIэ лъэпкъ зэмылIэужьыгъуэ куэдым къыхэкIа тхакIуэхэм я IэдакъэщIэкIхэм щыгъуазэ дохъу. Апхуэдэ тхыгъэхэр ди пащхьэ къилъхьэным, пэжыр жыпIэмэ, лэжьыгъэшхуэ пыщIащ. Дыкъызэджэнур къызэрытщыхъунур куэдкIэ елъытащ ар зэзыдзэкIым и Iэзагъым, абы бзэхэр фIыуэ зэрищIэм. АтIэ апхуэдэ лэжьыгъэхэм зезыпщыт псоми къехъулIэу пIэрэт ар? А упщIэм и жэуапыр къыщыдгъуэтынущ литературэ зэдзэкIыгъэхэм теухуауэ тхакIуэ, литературэ критик Къэжэр Хьэмид игъэхьэзыра тхыгъэм.
15 октября, 2023 - 06:16
КъБР-м и Лъэпкъ музейм щагъэлъагъуэ «Образ женщины в творчестве современных художников Северного Кавказа» зыфIаща лэжьыгъэхэр. А фIэщыгъэм щIэту ирагъэкIуэкIа зэпеуэм щытекIуа сурэт нэхъыфIхэр хагъэхьащ абы. Ар къызэрагъэпэщащ ХудожествэхэмкIэ Урысей Академиемрэ (РАХ) УФ-м и СурэтыщIхэм я зэгухьэныгъэмрэ, «Традиции и новаторства в творчестве современных художников Северного Кавказа» Iуэхум хыхьэу.
13 октября, 2023 - 09:25
Нобэ цIыхубэ щэнхабзэр, ди адыгэ уэрэдыжьхэм я шыфэлIыфэр къыпхуэмыцIыхужыну зэрызихъуэжар щыслъагъукIэ, сымыгъэщIэгъуэн слъэкIыркъым. Си щытыкIэр гурыIуэгъуэ фхуэсщIын ипэ, уэрэд стхын щыщIэздза 2007 гъэмкIэ згъэзэжынщ. ИтIанэ сыхуэкIуэнщ мы тхыгъэр къесхьэжьэну гукъыдэж къызэзытамкIэ.
Страницы
|