Спортым дихьэххэм къахохъуэ

14 января, 2024 - 09:59

Республикэм щыпсэухэм ящыщу физкультурэмрэ спортым­-рэ зыхуэзыгъасэхэм я бжыгъэр 2023 гъэм процент 54-рэ хъуащ. Апхуэдэу къитащ Къэбэрдей-Балъкъэрым СпортымкIэ и министерствэм и пресс-IуэхущIапIэм.

Илъэс блэкIам Къэбэрдей-Балъкъэрым и спортсмен 400-м щIигъум медаль зэхуэмыдэхэр къыщахьащ ахэр зыхэта дунейпсо, урысейпсо зэхьэзэхуэу 140-м.
НобэкIэ къэбгъэлъагъуэмэ, республикэм и спорт еджапIэу 47-м, КъБР-м и командэ къыхэхам хэтхэр щагъэхьэзырым, апхуэдэуи «Спартак-Налшык» футбол клубым спорт лIэужьыгъуэ 38-м щы­хуагъасэ цIыху мин 27-рэ. Абы къыдэкIуэу, зи узыншагъэм сэ­къат иIэ сабийхэм папщIэ КъБР-м СпортымкIэ и министерствэм еп­хауэ еджапIищ мэлажьэ: зи нэхэм фIыуэ ямылъагъухэм, зи тхьэкIумэ­хэм зэхамыххэм, IэпкълъэпкъкIэ дагъуэ зиIэхэм папщIэ щыIэ спорт лIэужьыгъуэхэм хуагъасэу.
 

НАУРЫЗЫКЪУЭ Ислъам.
  • 325 просмотров
Поделиться:

Читать также:

02.05.2024 - 14:21 → Медаль тIощIрэ бгъурэ
02.05.2024 - 14:15 → Дыщи домбеякъи къахь
25.04.2024 - 17:30 → Олимп чемпионыр ящыгъупщэркъым
25.04.2024 - 17:00 → Кубокыр къыздашэ
23.04.2024 - 17:06 → Гуп зэпеуэм япэ щыхъуащ