Гуп зэпеуэм щыяпэщ

2 мая, 2024 - 13:33

Къэрэшей-Шэрджэсым киокусинкай каратэмкIэ и зэхьэзэхуэ зэIуха иджыблагъэ Черкесск къалэм щекIуэкIащ. Хэгъэрейхэм я гъусэу абы щызэпеуащ Къэбэрдей-Балъкъэрымрэ Ставрополь краймрэ я спортсмен 200-м щIигъу, - къитащ КъБР-м СпортымкIэ и министерствэм и телеграм-каналым. 

Гуп зэпеуэм ди республикэм и командэм япэ увыпIэр къыщихьащ. Зэхьэзэхуэм абы щызыIэригъэхьащ дыщэ медалу 19, дыжьыну 17, домбеякъыу 13. Абы нэмыщI, техникэ нэхъыфI зэраIэм къыхэкIыу Гармашов Марк, Къуэшрокъуэ Руслан, Къандэхъу Дамир сымэ саугъэт щхьэхуэхэр къыхуагъэфэщащ. ЗэIущIэм хухаха зэманым къриубыдэу нэхъ псынщIэ дыдэу текIуэныгъэр зэхьэзэхуэм къыщызыхьа Романенкэ Ивани саугъэт лъапIэ къратащ. 
 

АЛЫДЖЫКЪУЭ Руслан.
  • 43 просмотра
Поделиться: