Ди щIыналъэм пхъэщхьэмыщхьэр щобагъуэКъБР-м и Iэтащхьэ КIуэкIуэ Казбек хэтащ дыгъуасэ Минеральные Воды щекIуэкIа МыIэрысэр зэрагъэкI, зэрахъумэ, зэращэ IэмалыщIэхэм ятеухуа «PRO ЯБЛОКО» етхуанэ дунейпсо гъэлъэгъуэныгъэм. «Урысей Федерацэм мыIэрысэ гъэкIыным зэрызыщиужьым теухуауэ пленарнэ зэхуэсым къыщыпсэлъащ УФ-м Мэкъумэш IэнатIэмкIэ и министерствэм, Кавказ Ищхъэрэ федеральнэ щIыналъэм, щIэныгъэ-къэхутакIуэ институтхэм, а Iуэхум пылъ зэгухьэныгъэхэм, мэкъумэш лэжьапIэ нэхъ инхэм я лIыкIуэхэр. Къэбэрдей-Балъкъэрыр къапщтэмэ, 2022 гъэм Урысейм пхъэщхьэмыщхьэхэкIыу къыщрахьэлIэжам и процент 16-р дыдейщ. ПхъэщхьэмыщхьэхэкIыу тонн мин 680-рэ къыщыпачащ ди щIыналъэм, ар процент 27-кIэ нэхъыбэщ 2021 гъэм еплъытмэ. КъищынэмыщIауэ, къэралым нэхъыбэ дыдэ къыщезыхьэлIэжахэм дащыщщ. Республикэм куэд щIауэ езыр зыхуэныкъуэр егъэкI, абы къыдэкIуэуи хамэ къэрал кърашхэр ди деж къыщыкIхэмкIэ зэхъуэкIыныр фIыуэ къохъулIэ, апхуэдэу Урысейм и къалэхэм пхъэщхьэмыщхьэу тонн мин 400 ирегъашэ. Ди хэгъэгум IуэхущIапIэ 15 итщ, зы илъэсым жыгыщIэ мелуани 3,5-рэ щагъэкIыу. ЖыгыщIэ зы мелуан хуэдиз нэгъуэщI хэгъэгухэм ирагъашэ», - щетх КIуэкIуэ Казбек и телеграм-каналым.
Поделиться:
Читать также:
30.04.2024 - 11:00 →
Унагъуэр - жылагъуэр зэтезыIыгъэщ
13.04.2024 - 15:23 →
Махуэшхуэм зыхуагъэхьэзыр
13.04.2024 - 10:08 →
Зэгухьэныгъэм зэфIигъэкIар
06.04.2024 - 10:26 →
Театрхэм я ехъулIэныгъэ, я гугъуехь
06.04.2024 - 09:00 →
Мэкъумэш IэнатIэм и зэфIэкIхэм арэзы къещI
|