Спорт

Къэбэрдей-Балъкъэрым шахмат къызэрыгуэкIымкIэ пашэныгъэр къыщыхьыным хуэунэтIа зэхьэзэхуэ иджыблагъэ щекIуэкIащ Налшык къалэм дэт «Каисса» шахмат клубым.
Абы щызэпеуащ ди республикэм и щIыналъэхэм я лIыкIуэхэр икIи ахэр я ныбжькIэ гупитIу гуэшауэ щытащ. Япэм щызэпеуащ илъэси 9, 11, 13 хъу ныбжьыщIэхэр, етIуанэм - илъэс 15, 17, 19 зи ныбжь щIалэгъуалэр.

Тхэквондо

Урысей Федерацэм и Кавказ Ищхъэрэ, Ипщэ щIыналъэхэм футболымкIэ ещанэ дивизио­ным щрагъэкIуэкI зэхьэзэхуэм и зи чэзу джэгугъуэр Къэбэрдей-Балъкъэрым и командэ ­нэхъыфIхэм къайхъулIащ.

Къэбэрдей-Балъкъэрым и спорт инфраструктурэм зегъэужьыным, физкультурэмрэ спортымрэ ди цIыхухэр, я ныбжь емылъытауэ, дегъэхьэхыным, абыхэм щхьэкIэ иджырей Iэмалхэр къахузэгъэпэщыным ехьэлIауэ республикэм лэжьыгъэ пыухыкIахэр щрагъэкIуэкI иужьрей илъэсхэм. Ди щIыналъэм ахэр щагъэзащIэ лъэпкъ, къэрал пэхуэщIэхэм, лъэпкъ программэхэм япкъ иткIэ.
ЖыпIэнурамэ, 2021 гъэм щегъэжьауэ Къэбэрдей-Балъкъэрым къыщызэIуахащ спорт ухуэныгъэ ину 6. Абыхэм яхэтщ Налшык къалэм дащIыхьа иджырей пятиборьемкIэ комплексымрэ IэрыщI мыл зэрылъ уардэунэмрэ. 

Къэбэрдей-Балъкъэрым фут­болымкIэ и гъэмахуэ зэхьэ­зэхуэм бжьыпэр щызыIыгъ «Тэрчымрэ» «Логоваз»-мрэ зи чэзу текIуэныгъэхэр джэгугъуэ блэкIам щызыIэрагъэхьащ. А тIур зэкIэ зэдобакъуэ икIи хэт япэу къэдзыхэнуми укIэлъып­лъыну хьэлэмэтщ.
Езыхэр зэрызэдэджэгуам къа­рикIуамрэ (1:0, 2:2) топ дагъэкIахэмрэ къыхудагъэкIахэм­рэ зэрызэхущытымкIэ хэп­щIы­кIыу бабугентдэсхэм ефIэкI «Тэр­чым» и Iуэхухэр нэхъыфIыж ищIащ Псыкуэд къикIахэм щаIущIам. Джэгур 8:1-уэ иухащ. 
«Логоваз»-м абы пигъэувыфар 5:1-щ. Апхуэдэу ар Щхьэлыкъуэ щытекIуащ.

УФ-м и еджакIуэхэм дзюдомкIэ я 13-нэ Гъэмахуэ спартакиадэм и кIэух зэхьэзэхуэ Армавир къалэм иджыблагъэ щекIуэкIащ. Абы щызэпеуащ ди къэралым и щIыналъэхэм ящыщу 44-м я спортсмену, щIалэхэри хъыджэбзхэри зэхэту, 137-рэ. Зэхьэзэхуэм щагъэджэгуащ медаль комплекту 16 - щIалэхэм щхьэкIэ 9-рэ, хъыджэбзхэм щхьэкIэ 7-рэ.

Къэбэрдей-Балъкъэрым и щIыхьыр иIэту зэпеуэм хэтащ УФ-м спортымкIэ и мастер Унэж Амирлан икIи и хьэлъагъ елъытауэ щыбэна гупым (кг 50) домбеякъ медаль къыщихьащ.

ТопджэгумкIэ дунейпсо зэхьэзэхуэм и кIэух зэпеуэр иухакIэщ. Гъэ къэси хуэдэу, утыкушхуэм хьэл зэхуэмыдэ куэд къигъэнэIуащ, гу ялъыптэху, щапхъэ щIатепхын ядэплъагъуу. 

И ныбжьыр илъэс 38-м иту топджэгушхуэм зэрыхэкIыжыр игъэIуащ адыгэ футболистхэм ящыщу нэхъ лъэщ дыдэ, Израилым и командэ къыхэхам и капитану щыта, Урысей Федерацэм и чемпион хъуа икIи ди къэралым и кубокыр зыIэщIэлъ Натхъуэ Бибрэс. 
Хамэ щIыпIэм къыщалъхуами, адэжь хэкум ар цIэрыIуэ щыхъуащ икIи Къэзан и «Рубин»-мрэ Мэзкуу и ЦСКА-мрэ яхэту Европэм и къэрал куэдым я стадионхэм пщIэрэ щIыхьрэ щиIэу зыкъыщигъэлъэгъуащ. ИужькIэ Алыджым, итIанэ Сербием Iэпхъуэри абыхэми ехъулIэныгъэкIэ щыджэгуащ.

СССР-м спортымкIэ щIыхь зиIэ и мастер, дзюдомкIэ дунейпсо чемпион, Континентхэм я кубокыр тIэунейрэ къэзыхьа, Европэм плIэнейрэ щытекIуа, Совет Союзми апхуэдизрэ щынэхъ лъэща, Лъэцэр (Тлецери) Хьэзрэт къыщалъхуари къыщыхъуари Адыгейм хыхьэ Къэзаныкъуей къуажэращ. ИужькIэ, Краснодар псыхъумапIэр щаухуэм, а жылэр абы щIрагъэлъэфащ. 

Македоние Ищхъэрэм и къалащхьэ Скопье бадзэуэгъуэм и 6 – 12-м щекIуэкIащ зи ныбжьыр илъэс тIощIым щIимыгъуахэм спорт бэнэкIэмкIэ Европэм и зэхьэзэхуэ. Абы кърихьэлIат алыдж-урым бэнэкIэмрэ бэнэкIэ хуитымкIэ щIалэгъуалэм я нэхъ лъэщ дыдэхэр.