|
|
Жылагъуэ
15 июня, 2026 - 14:06
Бахъсэн къалэ администрацэм и Iэтащхьэ, «Урысей зэкъуэт» партым и щIыпIэ къудамэм и секретарь Мамхэгъ Хьэчим иджыблагъэ зригъэлъэгъуащ Беслъэнеймрэ Шымэзокъуэмрэ я цIэхэр зезыхьэ уэрамхэм я гъуэгухэр зыхуей хуэгъэзэным теухуа лэжьыгъэхэр зэрекIуэкIыр. Абы дэщIыгъуащ псэуныгъэм ехьэлIа Iуэхухэмрэ шынагъуэншагъэмрэ къызэгъэпэщынымкIэ и къуэдзэ Къардэн Назир.
Мамхэгъ Хьэчим яхуэзащ лэжьыгъэхэр езыгъэкIуэкIхэм икIи ягу къигъэкIыжащ, зэращIылIа зэгурыIуэныгъэм тету, фIагъ лъагэ яIэу и пIалъэм ахэр зэфIагъэкIын зэрыхуейр.
15 июня, 2026 - 13:11
«ЩIалэгъуалэмрэ сабийхэмрэ» лъэпкъ пэхуэщIэм ипкъ иткIэ мы махуэхэм къызыхуэтыншэу зэрагъэпэщыж Бахъсэн къалэм и курыт еджапIэ №5-м епхауэ лажьэ сабий сад №3-р. Метр зэбгъузэнатIэу 1100-рэ зыубыд ухуэныгъэр щаухауэ щытар I97I гъэрщ икIи абы лъандэрэ апхуэдиз лэжьыгъэ зэуэ япэу щызэхаублэу аращ.
НобэкIэ лэжьакIуэхэм пэшхэм лъэгужьхэр къратхъыж, блынджабэхэр къатхъунщI, Iэхуитлъэхуит ящI. Абыхэм иужькIэ, унащхьэр, бжэ-щхьэгъубжэхэр, инженер коммуникацэхэр зэрахъуэкIынущ. Пэш кIуэцIхэр къращIыкIа нэужь, унэ IуплъапIэри зыхуей хуагъэзэнущ.
15 июня, 2026 - 13:00
Тырку адыгэхэм яIуэтэж хъыбар
Хэкум, хъыджэбзыфIкIэ еджэу зы хъыджэбзрэ щIалэфIкIэ еджэу зы щIалэрэ исти, а щIалэфIыр хъыджэбзым пылът. ХъыджэбзыфIым жиIащ жи:
- Иджы, сымыфIми жылэм тхьэразэ къахухъу, фIыуэ сагъэIуащ, ауэ сэ уэ сыныбдэкIуэкIэ сэ си фIагъи уэ уи фIагъи абыкIэ зэхэгъэкIа хъунукъым. Уэ мор жыхуэпIэм сэ сыдэкIуэнщ, сэ мор жыхуэсIэри уэ къашэ…
- Хъунщ, - арэзы хъуащ щIалэр.
Уэрам дурэш-плIэрэшхэм щыжейуэ, адэ-модэхэм къыщикIухьу, делэIу-делафэу зы щIалэжь хэгъэгум исти:
- Мобы дэкIуэ уэ, - жиIащ жи щIалэм.
15 июня, 2026 - 12:22
И анэшхуэм и куэщIым ису, иджыри тэмэм дыдэу земыкIуауэ, ауэ и жьэр джатэм хуэдэщ, жыхуаIэм хуэдэу щыпсалъэм, сабий уэрэд цIыкIухэр жиIэрт абы. Апхуэдэуи ди щIыпIэ телевидением и «Макъамэ хъуэхъу» нэтыным къиту хъуар зэ фIэкIа зэхимыхами, асыхьэту игу ириубыдэнти, жиIэжынт. ЦIыхум зы зэчий гуэр зэрыхэлъыр иджыри щыцIыкIум щыдалъагъу къохъу, псом хуэмыдэу ар гъуазджэм епхамэ. Апхуэдэхэм ящыщу зи гугъу тщIыр Къэбэрдей-Балъкъэрми Адыгей Республикэми щIыхь зиIэ я артист, утыку къызэрихьэу цIыхубэм фIыуэ ялъэгъуа ДыщэкI Артурщ.
15 июня, 2026 - 10:58
КъБКъУ-м АрхитектурэмкIэ, ухуэныгъэмрэ дизайнымкIэ и институтым и «Ухуэныгъэ» унэтIыныгъэм и 2-нэ курсым щIэс студентхэр хэтащ пэIудзауэ екIуэкIа «Мир олимпиады» урысейпсо зэпеуэм.
НыбжьыщIэхэр «Техникэ механикэ», «Сопротивление материалов» жыхуиIэ зэхьэзэхуэхэм, хабзэ зэрыхъуауэ, илъэс къэс хэтщ. Iуэхум и мурад нэхъыщхьэр щIэныгъэ куу зыбгъэдэлъ щIалэгъуалэ зэчиифIэхэр къэхутэнырщ, еджапIэр къэзыухахэр зэрагъэхьэзырым и фIагъым хэгъэхъуэнырщ, ухуэныгъэ IэщIагъэм зегъэужьынырщ.
15 июня, 2026 - 10:00
Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым II Ипщэ щIыналъэ хэгъэгухэм я щIэнIуатэ иджыблагъэ щекIуэкIащ.
14 июня, 2026 - 06:30
 Урысейм и махуэр илъэс къэс мэкъуауэгъуэм и 12-м ягъэлъапIэ къэрал махуэшхуэщ. Абы къегъэлъагъуэ иджырей Урысей Федерацэм и тхыдэщIэр, щэнхабзэ щIэиныр, цIыхухэр зэкъуэзыгъэувэ ехъулIэныгъэхэмрэ лъапIэныгъэхэмрэ.
13 июня, 2026 - 09:26
Урысейм и махуэм ирихьэлIэу, КъБР-м и Парламентым дыгъуасэ щагъэлъэпIащ республикэм и IэнатIэ зэмылIэужьыгъуэхэм ехъулIэныгъэ къыщызыгъэлъагъуэ цIыху 40-м щIигъу.
13 июня, 2026 - 08:18
УФ-м и Президент Путин Владимир иджыблагъэ правительствэм хэтхэм ядригъэкIуэкIа зэIущIэм къыщыхигъэщащ сабийхэм гъэмахуэм зыщагъэпсэхуну щIыпIэхэр нэхъыбэ щIын зэрыхуейр.
13 июня, 2026 - 08:00
Урысейм и махуэм и пэ къихуэу, Бахъсэн щIыналъэм и библиотекэхэм щрагъэкIуэкIащ ныбжьыщIэхэр хэкупсэу гъэсэным, къэралым и тхыдэмрэ дамыгъэхэмрэ ятеухуауэ ящIэм хэгъэхъуэным ехьэлIа Iуэхугъуэ гъэщIэгъуэнхэр.
Страницы
|
