Жылагъуэ

2025 гъэм Къэбэрдей-­Балъкъэрым, зэкIэ къызэрабжамкIэ, пхъэщхьэмыщхьэрэ ха­дэ­хэкI консерву мелуан 357-рэ щытраIуэнтIащ. Абы ипэ ита илъэсым щыIа бжы­гъэ­хэм нэхърэ процент 0,7-кIэ нэхъыбэщ ар, къитащ иджыб­лагъэ Кавказ Ищхъэрэм Статис­тикэмкIэ и управленэм.

УсакIуэшхуэ Пушкин Александр и фэеплъ махуэм и щIыхькIэ, Налшык дэт библиотекэхэм щекIу­э­кIащ ар щагъэлъэпIа Iуэхугъуэ зэхуэ­мыдэхэр: пшыхьхэр, зэIущIэхэр, тхылъеджэ­хэр, гъэлъэгъуэныгъэхэр, театр теплъэгъуэ­хэр, литературэ зэпеуэхэр. 

Илъэс къэс мазаем и 15-м Урысейм щагъэлъапIэ НэгъуэщI къэралхэм къулыкъу щезыхьэ­кIа зауэлIхэм я фэеплъ махуэр. Нобэ илъэс 37-рэ ирокъу абы щхьэусыгъуэ хуэхъуа Iуэху­гъуэу 1989 гъэм Совет Сою­зым и дзэ­хэр Афганистаным  кърашыжауэ зэры­щы­тар.

Мазаем и 11-м ягъэлъапIэ щIэныгъэм хэт цIыхубзхэм я дунейпсо махуэр. Математикэм, физикэм, химием, астрономием, космонавтикэм гъуазджэм, литературэм – гъащIэм и лъэныкъуэ псоми - хэлъхьэныгъэ къы­зэ­рымыкIуэхэр хуащIащ, дуней псом я щIэныгъэкIэ зыщагъэIуащ бзылъ­хугъэ куэдым. Нобэ дытеп­сэлъыхьыну дыхуейщ космосым ехьэ­лIа къэ­ху­тэныгъэхэр езыгъэ­кIуэкIа Ащхъуэт Людмилэ. 

Нобэ илъэс ­75-рэ  ирокъу Атэлыкъ Анатолэ къы­зэ­ралъ­хурэ. Абы фэеплъ псалъэ хужаIэ дэлэжьа, КъБР-м и Парламентым и депутату щытахэу Дадэ Суфэдин, Бэла­хъуэ Олег, Махуэ Вла­димир, Къардэн Мурадин сымэ. 

Иджыпсту мыхьэнэшхуэ иIэщ лIыхъужьхэм я лIыгъэр щIэблэм я гум имыхуу, пщIэ хуащIу къэгъэхъуным. Абы зы лъэныкъуэкIэ елъытащ къэралым и къэкIуэнур. 

«ГъащIэ кIыхь икIи жыджэр» лъэпкъ пэхуэ­щIэм хыхьэу республикэм и медицинэ уэхущIапIэхэр къэгъэщIэрэщIэжыным, щIэуэ у­­хуэным теухуауэ лэжьыгъэшхуэ ирагъэкIуэкI. 

ЩIэблэм щадэмылажьэ, абыхэм я зэхэщIыкIымрэ дуней лъагъукIэмрэ зрагъэужьын щхьэкIэ хэкIыпIэ щхьэхуэхэмрэ бгъэдыхьэкIэ хэхахэмрэ щызэрамыгъэпэщ лъэхъэнэ зэи щыIакъым. Дапщэщи япэ ит лIэужьыр хущIокъу гъащIэм къарита акъылымрэ гупсысэмрэ къыкIэлъыкIуэ лIэужьым зэрабгъэдилъхьэжын, емрэ фIымрэ зэрызэхагъэкI Iэмалхэм щигъэгъуэзэн, екIумрэ емыкIумрэ зэрызэщхьэщагъэкI хэкIыпIэхэр иригъэлъагъун, псапэмрэ гуэныхьымрэ зэрызэпэшачэ щIыкIэхэм и нэIэ трыригъэдзэн.

Илъэсым икIэхэм зэфIагъэкIынущ

Бахъсэн къалэм цIыхухэр куэду щызэхуэс и щIыпIитI зэIузэпэщ ящIынущ мы гъэм «ГъащIэм хуэщIа инфраструктурэ» лъэпкъ пэхуэщIэм ипкъ иткIэ. Ахэр зэхэту метр зэбгъузэнатIэ 4300-рэ мэхъу.

Лэжьыгъэхэр щрагъэкIуэкIынущ Лениным и цIэр зезыхьэ уэрамымрэ Гагариным и цIэр зезыхьэ уэрамымрэ щызэхыхьэ щIыпIэм къыщыщIэдзауэ 103-нэ унэм деж нэсыху Iыхьэм, УхуакIуэхэм я жыг хадэ цIыкIум.