КъБР-м и Iэтащхьэ КIуэкIуэ Казбек Энергетикхэм я махуэм хуэгъэза и хъуэхъу

Дыгъэгъазэм и 22-м Урысейм Энергетикхэм я махуэр щагъэлъапIэ. 

Нобэ я махуэшхуэщ я IэщIагъэм къахуигъэув къалэныр щагъэзащIэкIэ, ди къэралми абы и экономикэм и къудамэ псоми хэлъхьэныгъэшхуэ хуэзыщI цIыхухэм. 
 Абыхэм я фIыгъэщ ди унэхэр, сымаджэщхэр, школхэр, сабий IыгъыпIэхэр нэхурэ хуабэу зэрыщытыр, фабрикэхэмрэ заводхэмрэ зэпыу ямыIэу зэрылажьэр. 
Къэбэрдей-Балъкъэрым и гъэсыныпхъэ-энергетикэ IэнатIэм щылажьэ IэщIагъэлIхэми, абы и ветеранхэми гурэ псэкIэ сохъуэхъу я махуэшхуэмкIэ. Дэтхэнэ зыми узыншагъэ, гуфIэгъуэ, фIыгъуэ, ехъулIэныгъэ иIэу, жэуаплыныгъэшхуэ зэпха а IэнатIэм Iуту, ди республикэмрэ къэралымрэ езыгъэфIакIуэ Iуэхугъуэхэм дя­пэкIи хэлэжьыхьыну си гуапэщ.