ЩIыналъэщIэхэм ядоIэпыкъу

5 августа, 2023 - 10:28

УФ-м и Правительствэм и УнафэщIым и ­къуэдзэ Хуснуллин Марат видеоIэмалхэр ­къигъэсэбэпу иджыблагъэ иригъэ­кIуэкIа ­селектор зэхуэсым хэтащ КъБР-м и Iэтащхьэ КIуэкIуэ Казбек. 

ЗэIущIэм щытепсэлъыхьащ Урысей Федерацэм къыхыхьа щIыналъэщIэхэм зегъэу­жьыным хуэгъэпса инфраструктурэ ­проект ­хэхам. УФ-м и Президент Путин Владимир къэралым и щIыналъэхэм я пашэхэм пщэрылъ ящищIахэм тету, Къэбэрдей-Балъкъэр Республикэр гъащIэм и лъэныкъуэ куэдкIэ ядоIэ­пыкъу Херсон областым щыщу и нэIэм щIигъэува Скадовской, Голопристанскэ округхэм. А щIыпIэхэм абы 2022 гъэ лъандэрэ ухуэны­гъэ-зэгъэпэщыжыныгъэ лэжьыгъэхэр щрегъэ­кIуэкI. 
Мы илъэсым къриубыдэу зэрагъэпэщыжыну я мурадщ Iуэху куэд щызэфIах центрхэм я унэхэр, курыт школым и медицинэ ­IэнатIэр, псы зрикIуэ бжьамийхэм ящыщ Iыхьэр, амбулаторэр, нэгъуэщI социальнэ IуэхущIапIэхэри. 

  • 31 просмотр
Поделиться: