Лэжьыгъэхэм пащэКъэбэрдей-Балъкъэрым иужьрей илъэситхум лъэпкъ пэхуэщIэхэр гъэзэщIэным сом мелард 48-м щIигъу щыхухахащ. Апхуэдэ бжыгъэхэр иджыблагъэ къигъэлъэгъуащ КъБР-м Экономикэ зыужьыныгъэмкIэ и министерствэм. Лъэпкъ пэхуэщIэхэр гъэзэщIэным трагъэкIуэдэну КъБР-м хухаха сом мелард 48,4-м щыщу меларди 7-м щIигъур щIыналъэ бюджетым къыхэкIащ. Дызэхуеплъынти, проектхэм хуаутIыпщ мылъкум зэрыхэхъуа щIыкIэм. 2019 гъэм абыхэм хыхьэу зэфIагъэкIыну яубзыхуа Iуэхугъуэхэм щхьэкIэ республикэ бюджетым сом мелуани 127,8-рэ къыщагъэлъэгъуауэ щытамэ, 2021 гъэм щегъэжьауэ ар сом меларди 2-м щIигъум зэрынэхьэсащ, 2023 гъэм сом меларди 2,36-рэ хъуащ. Бжыгъэхэм нэрылъагъу зэращIщи, иужьрей илъэситхум къриубыдэу хуэдэ 18,5-кIэ хэхъуащ а Iуэхушхуэхэм мылъкуу хуаутIыпщыр. Дызэрыт илъэсым лъэпкъ пэхуэщIэхэр гъэзэщIэным, зэкIэ къызэрабжамкIэ, сом меларди 10 хуэдиз хухахынущ. Псом нэхърэ нэхъыбэу ахъшэр здэкIуэнур цIыхухэм я псэукIэр егъэфIэкIуэнымкIэ мыхьэнэшхуэ зиIэ IэнатIэхэрщ. Псалъэм папщIэ, узыншагъэр хъумэн, егъэджэныгъэ, щэнхабзэ, спорт IэнатIэхэм къыщрагъэжьа ухуэныгъэщIэхэр и кIэм нагъэсыжынущ, мурад ящIа нэгъуэщI лэжьыгъэхэри зэфIагъэкIынущ. Апхуэдэуи гулъытэ хэха ягъуэтынущ транспорт, гъуэгу, инженер инфраструктурэхэм зегъэужьыным пыщIа Iуэхухэми. ХЬЭЩЫКЪУЕЙ Олег.
Поделиться:
Читать также:
05.05.2024 - 11:00 →
КъБР-м и Iэтащхьэ КIуэкIуэ Казбек IутIыж махуэшхуэм теухуа и хъуэхъу
04.05.2024 - 14:38 →
Тэрчдэсхэр щогуфIыкI
04.05.2024 - 13:34 →
Гъуэгу махуэ тет мафIэгур
04.05.2024 - 11:18 →
Ди хъугъуэфIыгъуэхэм щIохъуэпс
04.05.2024 - 10:01 →
Гъунэгъу республикэм и махуэшхуэ
|