МедалитI къахь

3 февраля, 2026 - 09:32

«Moscow Open» фIэщыгъэр зэрихьэу карате-киокусинкаймкIэ Мэзкуу къалэм щекIуэкIа дунейпсо зэхьэзэхуэм къыщыхэжаныкIащ Къэбэрдей-Балъкъэрым и лIыкIуэхэр. Абы щызэпеуащ ди къэралым и щIыналъэхэм ящыщу 15-м я спортсмен 700-м щIигъу.
Илъэс 14 - 15 зи ныбжьхэм я деж дыщэ медаль къыщихьащ Щауэ Аскэр. Ди щIалэр щызауэр килограмм 65-рэ зи хьэлъагъ гупырщ. 
Балигъхэм я зэхьэзэхуэм, килограмм 80-м щIигъухэм я деж дыжьын медаль къыщихьащ Сыжажэ Алихъан.
Спортсменхэр зыгъасэр Насыплы ТIэхьирщ.

 
Воронеж щохьэщIэ

«Курская дуга» фIэщыгъэр зэрихьэу каратемкIэ урысейпсо зэхьэзэхуэ Воронеж къалэм щекIуэкIащ иджыблагъэ. Зэпеуэм хэтащ ди къэралым и щIыналъэхэм ящыщу 38-м я спортсмен 1500-м щIигъу.
Къэбэрдей-Балъкъэрым и командэм зэхьэзэхуэм медаль зэхуэмыдэу 8 къыщихьащ. Я хьэлъагъ елъытауэ зыхэта гупхэм щытекIуащ Уянов Ахъмэтрэ Шыбзыхъуэ Михаилрэ. Дыжьын медалхэр къахьащ Бетрожь Дамиррэ Хортиев Олегрэ. 
Кумыщ Алихъан, Сэбаншы Iэмал, ПщыхьэщIэ Имран, Яковлев Илья сымэ ещанэ хъуахэщ. 
Командэм и тренерхэр Сэбаншы Мурат, КIэш Даут, Амировэ Маргаритэ, Кумыщ Алихъан сымэщ. 

 

КЪУЭЖЕЙ Iэмин.
  • 26 просмотров
Поделиться: