Бэлахъуэм и гъэсэнхэр

Къыргъызым мы махуэхэм щекIуэкIащ тхэквондо GFT-мкIэ ­дунейпсо чемпионатрэ зэхьэзэхуэрэ. Абыхэм хэтащ къэрал 27-м ­къикIа цIыху миным щIигъу. Тхэквондо GFT-р ар проект щхьэхуэщ, аутизм зиIэ сабийхэм спортым зыхуагъэсэным хуэунэтIауэ.

Зэхьэзэхуэхэм къарикIуахэм япкъ иткIэ, Урысейм и гуп къыхэхам япэ увыпIэр къахьащ. Къыхэгъэщыпхъэщ, а текIуэныгъэм Къэбэрдей-Балъкъэрым и спортсменхэм хэлъхьэныгъэшхуэ зэры­хуащIари - ди ­щIалэхэм узэрыгушхуэн зэфIэкI лъагэхэр зэпеуэм къыщагъэлъэгъуащ.
Килограмм 82-рэ зи хьэлъагъ спорстменхэм я деж дунейпсо чемпион ­щыхъуащ Шэджэм Мурат, апхуэдэуи абы спортым дунейпсо классым­-кIэ и мастерым и мардэхэр игъэзэщIащ. Исаков Амиран  (кг 64-рэ) ­дунейпсо зэхьэзэхуэм тIэунейрэ щытекIуащ, абы игъэ­зэ­щIащ Урысейм спортымкIэ и мастерым и мардэхэр. Къищынэмы­щIауэ, Амиран Уры­-сей Федерацэм и гуп хэхам хэту зэбгъэрыкIуэу щызэзауэ спорт лIэу­жьыгъуэм дыщэ медалыр къыщихьащ. Дуней­псо зэхьэзэхуэм и дом­беякъ медалыр хуагъэфэщащ Дыкъуэ Алим (кг 58-рэ).
Спортсменхэм я гъэсакIуэщ Бэлахъуэ Елдар.