Къэрал мылъкур къызэрагъэсэбэпыр

Москва къалэм иджыблагъэ лэжьыгъэ IуэхукIэ щызэхуэзащ КъБР-м и Iэтащхьэ КIуэкIуэ Казбекрэ Къэрал мылъкур зехьэ­нымкIэ федеральнэ агентствэм и унафэщI Яковенкэ Вадимрэ. Абыхэм я зэпсэлъэныгъэр теухуауэ щытащ республикэм и дежкIэ мыхьэнэшхуэ зиIэ IэнатIэ зыбжанэм щызэ­дэлэжьэным.
Абыхэм хиубыдэу къыхагъэщхьэхукIащ инвестицэ проектхэр гъэзэщIэным ехьэлIауэ щIы Iыхьэхэр федеральнэ мылъкум къыхагъэкIыу муниципалитетхэм я мылъкум хэгъэ­хьэныр.
ЛъэныкъуитIми жаIащ федеральнэ агентствэмрэ республикэмрэ зэуIуу зэрызэдэлажьэр икIи ар Къэбэрдей-Балъкъэр Республикэм и экономикэ зэфIэкIыр къэ­Iэтыным зэ­ры­хуэу­нэтIар.