Къэралым и мэкъумэш IэнатIэм зрагъэужьУрысей Федерацэм и Правительствэм и пресс-IуэхущIапIэм къызэритамкIэ, къэралым и щIыналъэхэм, Къэбэрдей-Балъкъэр республикэри яхэту, мэкъумэш IуэхущIапIэхэр къыщызэIухыным, щыIэхэм я лэжьыгъэр егъэфIэкIуэным, ахэр зыхуей-зыхуэфIхэмкIэ нэхъ тэмэму къызэгъэпэщыным трагъэкIуадэ мылъкум пагъэкIуэжу къыхуаутIыпщ хабзэ ахъшэм сом меларди 7,9-рэ къыдыщIагъужащ. Апхуэдэ унафэм иджыблагъэ Iэ тридзащ УФ-м и Правительствэм и УнафэщI Мишустин Михаил. Правительствэм и гъэтIылъыгъэ фондым щыщ а ахъшэр мэкъумэшыщIэхэм хуаутIыпщащ гъэш фермэхэр, гъавэ хъумапIэхэр, фIагъ лъагэ зиIэ жылэхэр щагъэкI, Iэщ лъэпкъыфIхэр къыщагъэхъу IуэхущIапIэхэр ухуэным, апхуэдэхэр зэрагъэпэщыжыным трагъэкIуэдэну. Псалъэм папщIэ, а Iуэхугъуэхэм хохьэ къэралым и щIыналъэхэм къыщрахьэжьа инвестицэ проекту 100-м щIигъур лажьэу егъэжьэныр. «Псом япэрауэ, унафэр хуэунэтIащ мэкъумэш IэнатIэм зегъэужьынымрэ къэралым и шынагъуэншагъэр ерыскъыкIэ къызэгъэпэща хъунымрэ. Дыщогугъ мэкъумэшыщIэхэм а къалэнхэр гъэзэщIэным къаруущIэхэр хузэщIагъэуIуэну, ди цIыхухэр фIагъ лъагэ зиIэ ерыскъыхэкIхэмкIэ ирикъуу къызэрагъэпэщыну, гъавэу, лыхэкIыу къалэжьым, хадэхэкIрэ пхъэщхьэмыщхьэу кърахьэлIэм хагъэхъуэну», - щыжеIэ УФ-м и Правительствэм и пресс-IуэхущIапIэм къита хъыбарым. ХЬЭЩЫКЪУЕЙ Олег.
Поделиться:
Читать также:
04.05.2024 - 14:38 →
Тэрчдэсхэр щогуфIыкI
04.05.2024 - 13:34 →
Гъуэгу махуэ тет мафIэгур
04.05.2024 - 11:18 →
Ди хъугъуэфIыгъуэхэм щIохъуэпс
04.05.2024 - 10:01 →
Гъунэгъу республикэм и махуэшхуэ
03.05.2024 - 16:00 →
ЩIыпIэ телъыджэу 40
|