МазихкIэ нэхъ пасэу

Дыгъэгъазэм и 1-м щыщIэ­-дзауэ псэупIэ-коммунальнэ хозяйствэм и Iуэхутхьэбзэхэм цIых  мылъку зыхалъхьэ Iуэху ин  гуэр ягъэзэщIэнымкIэ ябгъэдэлъ мылъкур яхурикъуркъым ум щIат уасэм хэ­хъуащ: электрокъарум, псы щIыIэмрэ хуабэмрэ, газым, унэхэр къызэрагъэплъ хуаб­эм, кIэрыхубжьэрыхухэр дэ­шыным.

УнафэщIхэм къызэрыха­гъэ­щымкIэ, ар къыщыхъун ­хуейуэ щытар 2023 гъэм ба­дзэуэгъуэм и 1-рт, арщхьэкIэ, гъэм къигъэлъэгъуам тещIы­хьауэ, зыпэплъэ инфляцэр зэ­рымыцIыкIум  къыхэкIыу а   пIалъэр къагъэкIуэтэн хуей     хъуащ, 2023 - 2024 гъэхэм зе-кIуэну тарифхэм я хьэлъэр   мащIэу нэхъ ­мыхъуми цIыхум щагъэпсынщIэн щхьэкIэ. Мыбдежми а тарифхэм я лъага-гъыр инфляцэм и инагъым фIимы­шыну жаIэ, арщхьэкIэ, аргуэ­рыжьщи, щIыналъэ  щхьэ­­хуэхэм а къагъэлъагъуэ мардэм ищхьэкIэ кIуэнри зыхуэIуа щы­Iэкъым. Абы щы­гъуэми, къэ­ралым и антимо­нопольнэ Iуэ­хущIапIэм  и   пащ­хьэм иралъ­хьэн хуейщ апхуэ-дэу щIащI щхьэусыгъуэр. Псалъэм папщIэ, коммунальнэ хуэIухуэ­щIэ­хэм  ехьэлIауэ  уней Урысейм и щIыналъэхэм, ди жагъуэ зэрыхъунщи, тарифхэр зэи щызэтехуэркъым. Къапщтэмэ, нэгъабэ ар зэрыхагъэхъуар проценти 4-м фIимыш пэтми, Шэшэным проценти   6,7-м щынагъэсауэ щытащ, Урысейм нэхъ щылъагэу. Къэ­бэрдей-Балъкъэрыр а бжыгъэм намыгъэсын яхузэфIэ-кIат. Ауэ щыхъукIэ, тарифым и пщалъэр зэлъытар щIыналъэм и экономикэ щытыкIэракъым, абы щыпсэухэм ябгъэдэлъ мылъкурщ. 
УФ-м АналитикэмкIэ и де­партаментым къызэрилъы-тэм­кIэ, апхуэдэ зэхъуэкIыныгъэхэр ­Iэмалыншагъэм къы­зэры­хэ­кIыр гурыIуэгъуэщ  икIи хэ­кIы­пIэу къагъэлъагъуэр унагъуэ­хэм къагъэсэбэп псыр, газыр, электрокъарур зэрагъэ­зэ­хуэ­нырщ. Къищынэмы­-щIауэ, фэ­тэр куэду зэтет унэ къэс Компание е ТСЖ яIэн ­хуейщ, Iуэхутхьэбзэ къахуэ­зыщIэхэм я деж сыт хуэдэ  Iуэху зэхуэмыхъури нэхъ тыншу  щыпхагъэкIын хуэдэу.
ЩIымахуэхэм къахокI нэхъ щы­щIыIэ. Апхуэдэхэм деж, зэ­рыгурыIуэгъуэщи, цIыхухэм газ нэхъыбэ ягъэс, газ зэбг­рыты­кIыпIэхэр я къарум къы­зэрихькIэ ягъэлэжьэн хуей мэхъу. Ахэр зэуIуу гъэлэжьэным трагъэкIуэдамрэ къилэжьам-рэ бадзэуэгъуэ къэс къапщы­тэжри, къыкIэлъыкIуэ илъэсым и щIышылэм е мазаем  абы хуэзэ сом бжыгъэр (сом минрэ ныкъуэр) зэрыт тхы­лъым­пIэхэр цIыхухэм Iэрагъэхьэ, иужьрей мазэм къатехуари хэту.
«ЩIыхуэ ттемылъу гъэ ды­те­хьащ.  Дэнэ   сом   миным щIигъур къыздикIар?» жывмыIэн  папщIэ абы фыщыгъуэзапхъэщ.
Апхуэдэу коммунальнэ Iуэху­тхьэбзэхэм ехьэлIауэ къэралым и унафэщIхэм къыхалъ­хьащ  фэтэр куэду зэхэт унэ ­зэтетхэм я къэгъэплъыкIэм зэхъуэкIыныгъэ хэлъхьэн зэры­хуейр. Фызэрыщыгъуазэщи, уна­гъуэ къэс яIэщ ягъэс газыр, электрокъарур, къагъэсэбэп псы хуабэмрэ щIыIэмрэ къы­зэрапщ Iэмэпсымэхэр. Псалъэм папщIэ, унагъуэр щIы- махуэ псом зыщIыпIэ йожьэ е мэIэпхъуэ - унэр нэщIщ, зыми зыри игъэсыркъым. Абы щхьэ­кIи къэмынэу, унэр къагъэп­лъы­нущ, зэрыхабзэщи, хуэзэ уасэри фIахынущ, а унэм щIэс псоми я къигъэхъуапIэр зыуэ щыщыткIэ. Къыхалъхьа реформэр зытегъэщIар уна­гъуэ къэс къагъэсэбэп хуабэ ­гигакалорий бжыгъэр щхьэ-хуэу гъэбелджылауэ, абы  хуэ­зэр, фIимышу, ятынырщ. Шэч хэлъкъым апхуэдэ Iуэху бгъэ­дыхьэкIэм куэд зэрыщы­гуфIыкIынум.

Лъостэн  Музэ.