Аланэ и дыжьын медалырКъэбэрдей-Балъкъэрым СпортымкIэ и министерствэм и пресс-IуэхущIапIэм къызэритамкIэ, Урысей Федерацэм атлетикэ хьэлъэмкIэ пашэныгъэр щыубыдыным хуэунэтIа зэхьэзэхуэ Адыгейм и къалащхьэ Мейкъуапэ щекIуэкIащ. Абы гупитIу гуэшауэ щызэпеуащ илъэс 15 - 18, 19 - 20 зи ныбжь спортсменхэр. Къэбэрдей-Балъкъэрым и щIыхьыр ихъумэу зэхьэзэхуэм хэта Скрипко Аланэ дыжьын медаль къыщихьащ килограмм 76-рэ зи хьэлъагъхэм я деж. Жимымрэ рывокымрэ зэхэту хъыджэбз ныбжьыщIэм къиIэтащ килограмм 208-рэ (92/116). Аланэ езым и рекордыр зэхьэзэхуэм щригъэфIэкIуащ. Абы зыщигъасэр Урысей Федерацэм щIыхь зиIэ и тренер Шэкэм Михаил и дежщ. АЛЫДЖЫКЪУЭ Руслан.
Поделиться:
Читать также:
15.05.2024 - 17:22 →
Европэ зэхьэзэхуэм зыхуагъэхьэзыр
15.05.2024 - 16:00 →
Ди шууейхэр къыхожаныкI
15.05.2024 - 15:11 →
Европэм и дыжьын медалыр
14.05.2024 - 11:44 →
КъаIэтащ цIыхухэм я гукъыдэжыр
10.05.2024 - 16:04 →
Медаль 59-рэ къахь!
|