Къэралым и ехъулIэныгъэхэр щагъэлъэгъуэнущ

«Урысей» дунейпсо гъэлъэ­гъуэныгъэ-зэхуэсым хэтыну щIыналъэхэм хухаха щIыпIэхэр а Iуэхум зэрыхуэхьэзырым зыщагъэгъуазэу абы и къызэгъэпэща­кIуэхэм ахэр къызэхакIухьащ иджыблагъэ. 

Къэбэрдей-Балъкъэрым и лIы­кIуэу Урысей Федерацэм и Президентым деж щыIэ Быкъыш Ратмиррэ КъБР-м Экономикэ зыужьыныгъэмкIэ и департаментым и уна­фэщI Багацкая Севилрэ а Iуэ­хугъуэхэм хэтащ. 
Социальнэ программэм ипкъ иткIэ экскурс щIыкIэу къызэгъэпэща­кIуэхэмрэ лIыкIуэхэмрэ щIыналъэхэм я площадкэхэр къап­лъы­хьащ, «Урысей» дунейпсо гъэлъэ­гъуэныгъэ-зэхуэсым и мыхьэнэмрэ  и къалэнхэмрэ тепсэлъыхьащ. Абыхэм къаIущIащ зэхуэсым и Къы­зэгъэпэщакIуэ комитетым и тхьэмадэ - УФ-м и Президентым и Администрацэм и УнафэщIым и япэ къуэ­дзэ Кириенкэ Сергей. 
Фигу къэдгъэкIыжынщи, УФ-м и Президент Путин Владимир и уна­фэкIэ «Урысей» дунейпсо гъэ­лъэ­гъуэныгъэ-зэхуэсыр Мэзкуу и ­ВДНХ-м щекIуэкIынущ нобэ щегъэжьауэ 2024 гъэм мэлыжьыхьым 12 пщIондэ. Абы хэтынущ ди къэралым и щIыналъэ 89-р, федеральнэ министерствэхэр, корпорацэхэр, жылагъуэ зэгухьэныгъэхэр икIи щагъэлъэ­гъуэнущ къэралым и IэнатIэ зэ­хуэмыдэхэм щиIэ зэ­фIэкIхэмрэ ехъу­лIэныгъэхэмрэ. 

БАТОКЪУЭ  Албэч.