Банк Iуэхухэр

Iэмалхэм хагъахъуэ

Фэтэрхэр, пэшхэр, унэхэр, унэм щыщ Iыхьэхэр, къищынэмыщIауэ таунхаусхэр бэджэнду зэратымкIэ хъыбарегъащIэхэр ЯмыгъэIэпхъуэ мылъкумкIэ агентствэхэмрэ фэтэр зиIэхэмрэ дяпэкIэ пщIэншэу ират хъунущ «ДомКлик от Сбербанка» сервисым. Абы и телефониер сэбэп хъунущ езыхэм ехьэлIа Iуэхугъуэхэр хъума хъунымкIэ.

ЯмыгъэIэпхъуэ мылъкум ехьэлIа Iуэхугъуэхэр езыгъэкIуэкI «ДомКлик от Сбербанка» сервисыр къэзыгъэсэбэпхэм иджы Iэмал яIэ хъуащ хъыбарегъащIэхэр пщIэншэу иратыну. Иджыпсту абы илъщ бэджэндым ехьэлIа хъыбар мин 45-рэ. 2019 гъэм а бжыгъэр мин 200-м нагъэсыну я мурадщ.
«ДомКлик»-м бэджэндым ехьэлIауэ иригъэжьа Iуэхугъуэр мыхьэнэшхуэ зиIэщ ямыгъэIэпхъуэ мылъкум и рынокым ХъумапIэ банкым щиIыгъ увыпIэр гъэбыдэнымкIэ. Бэджэнду зытхэмрэ къэзыщтэхэмрэ я дежкIэ дэ «ДомКлик»-р дощI сервис тынш икIи шынагъуэншэ, клиентхэм Iэмал гъуэзэджэхэр къахузэIуихыу. Нобэ ар ящыщщ ямыгъэIэпхъуэ мылъкум ехьэлIа Iуэхугъуэ псори зэгъусэу щызэфIагъэкIыф сервис закъуэтIакъуэм икIи бжьыпэр зэрытIыгъым IэмалыщIэхэмкIэ дгъэбыдэныр гъэ къакIуэ пытщэнущ », - дыщигъэгъуэзащ Урысейм и ХъумапIэ банкым и Къэбэрдей-Балъкъэр къудамэм и унафэщI Урысбий Хьэмидбий.
Бэджэндым ехьэлIа хъыбарыщIэхэр «ДомКлик»-м иралъхьэныр къызэгъэпэщащ рынокыр зыщIэупщIэм елъытауэ. Абы хъунущ:
- ущепсэлъэнумрэ щебгъэлъагъунумрэ нэхъ уфIэкъэбыл зэманыр къыщыхэпх;
- фэтэрым и теплъэмрэ щытыкIэмрэ дамыгъэ щхьэхуэхэмкIэ къыщыбгъэлъагъуэ;
- бэджэндым и уасэм къищынэмыщIауэ, комиссэу, сакъылэту, коммунальнэ Iуэхутхьэбзэхэм текIуадэу хэкIынухэр щыбгъэбелджылы.
Бэджэнду зэрыптынумкIэ къэбгъэсэбэп хъунущ «ДомКлик»-м и телефониер. Абы къокI узэрыпсэлъа псори шынагъуэншэу икIи пщIэншэу. Ахэр къэзыгъэсэбэпхэм телефон номерхэр ялъагъунукъым зызэпащIэну хуей хъухукIэ. АбыкIэ пцIыIуэпцIышэхэмрэ спам-базэмрэ щахъумэ. КъищынэмыщIауэ, «ДомКлик»-м и телефонием и фIыгъэкIэ къэпсалъэхэм я зэманыр мардэм ибогъэувэф - жэщым е лэжьапIэ щыщыIэм и деж бэджэнду зытыр зыми игъэпIейтеифынукъым.

Темыр  Дисанэ.

ЦIыхум и щхьэхуэныгъэхэр къагъэсэбэпурэ

ЦIыхухэм я физиологие, биологие щхьэхуэныгъэхэр къагъэсэбэпурэ клиентхэр биометриекIэ къыхэгъэщхьэхукIыным ехьэлIауэ Банк Нэхъыщхьэм къыхилъхьа проектым хыхьащ Урысейм и ХъумапIэ банкыр.

Банк Нэхъыщхьэм къыхилъхьа проектым ипкъ иткIэ Урысейм и ХъумапIэ банкым къэпщытэныгъэхэр зэфIигъэкIащ икIи ЕСИА ЕБС системэм иралъхьэн папщIэ зэхуихьэсын щIидзащ и клиентхэм я биометрие щытыкIэхэр. Илъэсыр иухыхукIэ абы и офисхэм я процент 20-м ахэр щызэфIэкIынущ.
ХъумапIэ банкым диIыгъащ и клиентхэр къыхэгъэщхьэхукIыным ехьэлIауэ Урысей Федерацэм и Банк Нэхъыщхьэм и жэрдэмыр икIи къекIуалIэ цIыхухэм я биометрие щытыкIэхэр зэхуехьэс Зыуэ щыт идентификацэмрэ аутенификацэмрэ я системэм (ЕСИА) и Зыуэ щыт биометрие системэм (ЕБС) и «Ключ Ростелеком»-м иритын папщIэ.
Зи гугъу тщIы жэрдэмым ипкъ иткIэ ХъумапIэ банкыр Зыуэ щыт биометрие системэм хохьэ. ИкIи илъэсыр икIыхукIэ и хэщIапIэхэм я Iыхьэ тхуанэм мынэхъ мащIэр абы тету лэжьэнущ. Ар зэфIагъэкI я Iуэху зехьэкIэр зэпIэзэрыту зэрыщыту.
«Дызытет банк лэжьыгъэмрэ инфраструктурэмрэ ди клиентхэм я дежкIэ щIэуэ щыт Iуэхугъуэхэр хэтпщэн папщIэ техникэ и лъэныкъуэкIэ куэд зэфIэдгъэкIын, къэпщытэныгъэ куухэм дыхэтын хуей хъуащ. Инфраструктурэ кIэлъыплъыныгъэм къищынэмыщIауэ къэтхутащ клиент Iэзагъым и Iэмэпсымэхэр - дизайн-гупсысэкIэмрэ Customer Journey Mar (CJM) гъэпсыкIэмрэ хуэдэхэр - зэфIэгъэувэныр. Технологие пэрытхэр къызэрыдгъэсэбэпым Iэмал къитынущ цIыхухэр къэрал IуэхущIапIэхэмрэ банкхэмрэ зэрадэлажьэр нэхъ тынш, псынщIэ, дзыхьщIыгъуэджэ ищIыну», - къыджиIащ Урысейм и ХъумапIэ банкым и Къэбэрдей-Балъкъэр къудамэм и унафэщI Урысбий Хьэмидбий.
И биометрие щытыкIэр ита иужькIэ, къэралым и дэтхэнэ цIыхуми Iэмал игъуэтынущ езыр мыкIуэу банкхэмрэ къэрал IуэхущIапIэхэмрэ я Iуэхутхьэбзэхэр зыIэригъэхьэну. Абы папщIэ ЕСИА-м зыщегъэтхауэ уи биометрие щхьэхуэныгъэхэр - нэкIумрэ макъымрэ я шаблонхэр - зи пщэ къыдэхуэ банкым етыпхъэщ.
ЕСИА-м цIыхухэм Iэмал ярет Къэрал Iуэхутхьэбзэхэмрэ Урысей жылагъуэ жэрдэмхэмрэ я порталхэм ихьэну. Абыхэм зыщебгъэтхын папщIэ паспортымрэ СНИЛС-мрэ пIыгъыу ухэтми закъебгъэщIэн хуейщ. ЦIыхум и щхьэхуэныгъэхэмкIэ (къапщтэмэ, нэкIумкIэ е макъымкIэ) къызэрыхагъэщхьэхукI биометрие системэр IэмалыфIщ пцIыIуэпцIышэхэм защыпхъумэнымкIэ, сыту жыпIэмэ нэгъуэщIым и нэкIумрэ макъымрэ къанэ щымыIэу зыпхуегъэщхьынукъым. КъищынэмыщIауэ, клиентыр хэтми абыкIэ нэхъ псынщIэу зэхагъэкI. Банкым ЕСИА-м ирит хъыбархэр гъэпщкIуащ, «О персональных данных» ФЗ №152-м къызэригъэувым тету быдэу хъумащ икIи «Ростелеком»-м и гъэтIылъыпIэхэм щаIыгъ.

Хьэтау  Ислъам.

Поделиться: