ШахматымкIэ нэхъ лъэщхэр зэхуешэс

Къэбэрдей-Балъкъэрым шахмат къызэрыгуэкIымкIэ пашэныгъэр къыщыхьыным хуэунэтIа зэхьэзэхуэ иджыблагъэ щекIуэкIащ Налшык къалэм дэт «Каисса» шахмат клубым.
Абы щызэпеуащ ди республикэм и щIыналъэхэм я лIыкIуэхэр икIи ахэр я ныбжькIэ гупитIу гуэшауэ щытащ. Япэм щызэпеуащ илъэси 9, 11, 13 хъу ныбжьыщIэхэр, етIуанэм - илъэс 15, 17, 19 зи ныбжь щIалэгъуалэр.
ГъэщIэгъуэну икIи удэзыхьэхыу екIуэкIа зэIущIэхэм къарикIуахэр зэхалъхьэжа нэужь наIуэ къызэрыхъуащи, зыхэта гупхэм япэ увыпIэхэр къыщахьащ Вэрокъуэ Дамир, Хьэмжу Аслъэнбэч, Балъкъыз Темболэт, Лингур Темырлан, Лу Къантемыр, Гелястанов Дамир, Ульбашев Уэсмэн, Ахматовэ Iэминэ, Мирзоевэ Лиланэ, Николаевэ Вероникэ, Бро Миланэ, Рехвиашвили Эллэ, Дудар Салимэ сымэ.