Музейхэм ядоIэпыкъу

Кавказ Ищхъэрэм и лъахэхутэ музейхэм ящыщу 3-м къыхуагъэфэщащ ВТБ банкым и грант щхьэхуэхэр.
 
ВТБ банкымрэ «ВТБ-Стра-на» псапащIэ фондымрэ зэ­халъхьэжащ Урысейм и лъахэхутэ музейхэм ядэIэпы­къуным теухуауэ ягъэхьэзыра программэм хыхьэу екIуэкIа ­зэпеуэм кърикIуахэр. Грант ­ сом зы мелуаным нэблагъэ ира­тынущ къэралым и щIы­налъэ 55-м щылажьэ музей ­67-м. Абыхэм ящыщщ Кавказ ­Ищхъэрэм и музеищ: КъБР-м и Лъэпкъ музейр, Новоалександровскэ районым (Ставрополь край) и тхыдэ-лъахэхутэ му­- зей-заповедникыр, Къэрэшей-Шэрджэсым и Къэрал музей-заповедник Байчоров М. и цIэр зезыхьэр.
Кавказ Ищхъэрэ федераль-нэ щIыналъэм хыхьэу зэхьэ­зэхуэм щытекIуа музейхэм банкыр я дэIэпыкъуэгъуу ягъэхьэ­зырынущ «Великая Победа объединяет Кавказ» мо­бильнэ сурэт гъэлъэгъуэныгъэхэр. Ахэр теухуауэ щыты-нущ Хэку зауэшхуэмрэ дзэ  Iуэху хэхамрэ. КъинэмыщIауэ, иджырей декоративно-прик­ладной гъуазджэм и IэпщIэ­лъапщIэхэм я Iэдакъэ къы­щIэ­кIа хьэпшыпхэр, щэнхабзэ щIэи­нхэр щагъэлъэгъуэнущ адыгэхэмрэ балъкъэрхэмрэ, къэ­закъхэм я гъащIэм, псэукIэм теухуа «Живые тра­диции народов Кабардино-Балкарии», «Дозорная застава: быт и традиции казаков под ­открытым небом» Iуэхухэм хыхьэу. 
- КИФЩI-м и щIыналъэхэм щэн­хабзэр щыдэIыгъыныр ВТБ-м япэ игъэщыпхъэ псапэ Iуэхухэм ящыщу къелъытэ. ­Музеищым грант яхухэхыным   и мыхьэнэр - абыхэм мылъкукIэ защIэдгъакъуэ къудейкъым, атIэ щIыпIэм и щэнхабзэм зегъэужьыным, тхыдэ фэеплъ-хэр хъумэным хэлъхьэныгъэ ­худощI. Дыщогугъ Кавказ Ищхъэрэм щыпсэухэмрэ ди хьэ­щIэхэмрэ музейхэм къы­щы­зэрагъэпэщ гъэлъэгъуэныгъэ гъэщIэгъуэнхэм щIэх-щIэхыурэ зыщаплъхьыну, нэхъыжьхэм къытхуагъэна щэнхабзэ щIэинхэм зыщагъэгъуэзэну, щIэ ­         куэд къащIэну, - жиIащ ВТБ-м  и къудамэу КИФЩI-м щыIэхэр зезыгъакIуэ, банкым и вице-президент Дыренкэ Александр. 
Зэпеуэм и къэпщытакIуэ гупым хэтащ музей унэтIыныгъэмкIэ экспертхэр, щэнхаб-зэм и лэжьакIуэхэр, журналистхэр. ТекIуахэм къалэн щащIа Iуэхухэр гъэзэщIэным и ужь ихьэнущ 2026 гъэм фокIадэм  и 1-м щыщIэдзауэ. 
Зэхьэзэхуэм щытекIуа IуэхущIапIэхэмрэ Iуэхум теухуа ­хъыбархэмрэ зыщыхэвгъэ­гъуэзэфынущ фондым и напэ­кIуэцIым. ВТБ-мрэ «ВТБ-Страна» псапащIэ фондымрэ    2026 гъэм и пэщIэдзэм ирагъэжьащ Урысейм и лъахэхутэ музейхэм защIэгъэкъуэнымкIэ я япэ программэр. Iуэхур зи жэрдэмхэм я мурадщ щэн­хабзэ щIэинхэр хъумэным, щIыналъэм ис лъэпкъ зэ­мы­лIэу­жьы­гъуэхэм я хабзэхэм, щхьэ­хуэныгъэхэм гу лърагъэ­тэным теухуауэ лъахэхутэ музейхэм зэфIагъэкI лэжьыгъэхэр щIагъэхуэбжьэну. Къи­нэмыщIауэ, щIалэгъуалэм, унагъуэхэм зыщагъэпсэху, я нэгу зыщрагъэужь центр музейхэр ящIыну, гъэлъэгъуэныгъэхэм цIыху нэхъыбэ  ирашэлIэну  я мурадщ. Нэхъыбэу трагъэщIэнущ бжыгъэ унэ­тIыныгъэм зегъэу­жьыным, я лэжьыгъэм иджы­рей Iэмэп­сымэхэмрэ Iэмалхэмрэ къы­щагъэсэбэ­пыным. 

ТЕКIУЖЬ Заретэ.