Шабзэм хуэIэзэхэр

14 июня, 2026 - 07:58

Дагъыстэным и къалащхьэ Мэхъэчкъалэ и Кубокыр шабзэкIэ нэщанэ еуэнымкIэ къэ­хьы­ным хуэунэтIауэ екIуэкIа зэхьэзэхуэм Къэ­бэр­дей-Балъкъэрым и спортсменкэ Кулюшинэ Янэ япэ увыпIэр щиубыдащ. Саугъэтхэр игъэуващ а къалэм и Iэтащхьэ Салавов Жамболэт.

Зэхьэзэхуэм хэтащ УФ-м и щIыналъэ куэдым я спортсмену 100-м щIигъу. Кулюшинэ Янэ щытекIуащ метр 70-кIэ пэжыжьэ нэща-нэм шабзэкIэ еуэнымкIэ. Иджы абы зыхуегъэ­хьэзыр мы гъэм мэкъуауэгъуэм Улан-Удэ щы­зэхэтыну урысейпсо зэпеуэм. 
Спортсменкэр зэхьэзэхуэм хуигъэхьэзыращ КъБР-м СпортымкIэ и министерствэм и спорт еджапIэм и тренер Кулюшинэ Наталье.

ДОЛЭТ Болэ.

  • 7 просмотров
Поделиться: