Миланэ аргуэру дегъэгуфIэ

Олимпиадэм хыхьэ тхэквондо лIэужьыгъуэмкIэ (ВТФ) дунейпсо зэхьэзэхуэ «President Cup» фIэ­щыгъэр зэрихьэу щекIуэкIащ Германием и Нюрнберг къалэм и «КИА Метрополь» спорт комп­лексым. Абы щагъэджэгуащ Олимп джэгухэм къызэрыхах ­рейтинг баллхэр.

Урысей Федерацэм и командэ къыхэхам хэту зэхьэзэхуэм щыIащ  дунейпсо классымкIэ спортым и мастер Бекъул Миланэ икIи, ди гуапэ зэрыхъущи, килограмм ­46-рэ зи хьэлъагъхэм я деж етIуанэ увы­пIэр къыщихьащ.
Нобэ ди спортсменхэр Германием икIри, Италием кIуащ. А къэралым и къалащхьэ Рим мы махуэхэм щызэхэтынущ «Grand Priх Poma» зэхьэзэхуэр. Абы щы­зэхуэзэнущ я хьэлъагъ елъы- ­­т­ауэ тхэквондомкIэ дуней­псо рейтингым 32-нэ увы­пIэ­хэм нэс щыт спортсменхэр. 
Фигу къэдгъэкIыжынщи, 2028 гъэм и гъэмахуэ Олимпиа­дэр США-м и Лос-Анджелес къа­лэм щекIуэкIынущ. Догугъэ, а зэманым ирихьэлIэу, УФ-м и спортсменхэр зэпеуэ иным хагъэхьэжыну, ди адыгэ пщащэм и зэфIэкIыр нэсу абыхэм щигъэлъэгъуэну, дыщэ медали къыщихьыну.
Бекъул Миланэ дэлажьэр УФ-м щIыхь зиIэ и тренер Ахъмэт Амирщ. 
ХЬЭЩЫКЪУЕЙ Олег.