Ар гъэщIэгъуэнщ

8 мая, 2026 - 11:55
• Австралием щыщ, илъэс 74-рэ хъу Харрисон Джеймс I000-м щIигъурэ лъы итащ. Абы и лъыр апхуэдизкIэ телъыджэу зэхэлъщи, гъущIыр къызэмэщIэкIыу, сымаджэ хьэлъэу дунейм къытехьа сабий цIынэхэр ажалым кърегъэл! Апхуэдэу, Харрисон илъ зыхакIа сабий мелуанитIым щIигъу дунейм тетщ нобэкIэ. ГъэщIэгъуэныщэщ Джейм и лъым антитела лъэщхэр зэрыхэлъыр, узыфэ зэмылIэужьыгъуэхэр игъэужьыхыу. 
• Сабийр зыщышынэр лъагапIэ къехуэхынымрэ макъышхуэмрэщ. Адрей псоми - бэджым, хьэм, блэм, хьэпщхупщым, къинэмыщI псэущхьэхэмрэ къэхъукъащIэхэмрэ – щышынэныр къызыхэкIыр къэзыухъуреихь цIыхухэм ядилъэгъуа е зэхиха Iуэхугъуэхэм къыхихыу аращ. КIэщIу жыпIэмэ, шынэу ягъасэу аращ. 
• «Темыгушхуэр шампанскэ ефэркъым» жыхуиIэ псэлъафэр къызытекIар фщIэрэ? КъызэрыщIэкIымкIэ, а фадэ лъэужьыгъуэр щахъумэ щIыунэм уехыныр дзыхьщIыгъуэджэт. Сыту жыпIэмэ, шампанскэр зэрыт птулъкIэхэм газыр куэду щызэхуихьэса нэужь къауэ я хабзэти, ар къыдэзыхьеину ехахэм абдж къутахуэхэмкIэ уIэгъэ куухэр ягъуэтырт. Апхуэдэ щIэщхъур зыбжанэрэ къэхъуа нэужь, абджыпс къауэм ущызыхъумэ щыгъынкIэ ехыу къаублащ. 
• Мысырым щыщ студент гуэр экзаменхэр «фIы дыдэу» зэритам щыгуфIыкIыуэри… илIыкIащ. ЗэрыжаIэмкIэ, щIалэр бакалавриатым зимыщIэжу щеджащ. Гурэ псэкIэ щIэныгъэм ета абы экзаменхэр псори иту, и тхылъыр къыщыIэрыхьэжам, ар къызэIуихри ириплъащ. Псори «фIы дыдэт». Ауэ щIалэр и ехъулIэныгъэхэм егъэлеяуэ щыгуфIыкIати, асыхьэту и гур зэгуэудащ. 
• ЦIыху Iущхэм зэрыIущыр ящIэркъым, делэхэм губзыгъэIуэу закъыщохъуж. Абы зэреджэр Даннинг-Крюгер и эффектщ.
• ЦIыхум нэхъ насыпыфIэу зилъытэжыху нэхъ мащIэрэ мэжей. Насыпыншэхэр куэдрэ жеймэ, замыщIэжмэ, зэмыгупсысыжмэ нэхъ къащтэ. 
• Тыркум щыщ фермер гуэрым и жэмхэм VR-нэгъуджэ яIуилъхьащ, мэкъум и пIэкIэ хъупIэ щхъуантIэхэр, къущхьэхъу хуитхэр ялъагъун папщIэ. ГъэщIэгъуэныракъэ, абы иужькIэ жэмхэм къат гъэшым процент 22-кIэ хагъэхъуащ, я стрессри нэхъ мащIэ хъуащ. 
Тамбий Гуащэмахуэ.
  • 18 просмотров
Поделиться:

Читать также:

10.06.2026 - 13:38 → Псы къабзэр нэхъапэщ
10.06.2026 - 12:30 → Лъэпкъым дежкIэ мыхьэнэ зиIэ
10.06.2026 - 11:02 → ЩIыфэ узыфэхэм зэрызащыпхъумэнур
09.06.2026 - 18:19 → Километр 43-м щIигъу
09.06.2026 - 16:25 → ЩIыпIэ дахэхэр