«ФIагъым и лъагапIэ»

Мэлыжьыхьым и 27- 29 махуэхэм ЩIалэгъуалэм я унэм щекIуэкIынущ «ФIагъым и лъагапIэ - 2026» фIэщыгъэр зиIэ, III щIыналъэ зэхуаку конференцэр. Абы хэтынущ Кавказ Ищхъэрэ федеральнэ щIыналъэм, Москва, Красноярск, Къэзан, Уфа, Челябинск, Екатеринбург, Новосибирск, Урысейм и нэгъуэщI къалэхэми щыщ медицинэ IэщIагъэлI пажэхэр.
Зэхыхьэр теухуауэ щытынущ цIыхухэм хуащIэ медицинэ дэIэпыкъуныгъэхэм я фIагъым хэгъэхъуэным. Конференцэм хэту щIэныгъэлIхэр доклад къеджэнущ, Iуэхугъуэ щхьэхуэхэм теухуа псалъэмакъхэр ирагъэкIуэкIынущ, мастер-классхэр къызэрагъэпэщынущ. Зэхыхьэм и ещанэ махуэм хьэщIэхэм ирагъэлъагъунущ республикэм и медицинэ IуэхущIапIэ нэхъ инхэм лэжьыгъэр зэрыщекIуэкIыр.
Медицинэ Iуэхутхьэбзэхэм я фIагъымрэ шынагъуэншагъэмрэ къызэгъэпэщынымкIэ Къэбэрдей-Балъкъэрыр Урысей Федерацэм и хэгъэгухэм я деж щыпашэщ. Абы ипкъ иткIэ ди щIыналъэм иджы ещанэу щрагъэкIуэкI «ФIагъым и лъагапIэ» конференцэр. КИФЩI-м и щIыналъэхэм ящыщу ди республикэм и закъуэщ узыншагъэр хъумэнымкIэ IэнатIэм фIагъымрэ шынагъуэншагъэмрэ къыщызэгъэпэщынымкIэ Iэмалхэр жыджэру лэжьыгъэм къыщызыгъэсэбэпын щIэзыдзар.
Конференцэм хэтыну зезыгъэтхынухэм, абы теухуа хъыбар къэзыщIэну хуейхэм мы зэпыщIэныгъэ Iэмалхэр къагъэсэбэп хъунущ:
Сайт: https://conf-mzkbr.ru/
Телефон: +7(938)075-58-25
Email: vershina_07@bk.ru