Космонавтикэм и махуэм ирихьэлIэу зэхашэну зэIущIэхэр

1. Урысейпсо хьэрш Iуэрытх. Илъэс къэс ирагъэкIуэкI 2019 гъэм щыщIэдзауэ. Лъэпкъ космонавтикэм и ехъулIэныгъэхэр хэIущIыIу щIыным, ахэр хъумэным, космонавт цIэрыIуэхэм я гъащIэр къызэрекIуэкIам, хьэршым щалэжьам, зрагъэгъуэта щIэныгъэм зэрыхащIыкIыр къэхутэным хуэгъэзащ. Зи гугъу тщIы Iуэрытхым ухэтын папщIэ, «космическийдиктант.рф» напэкIуэцIым уихьэу зебгъэтхын хуейщ. Мэлыжьыхьым и 12-м сыхьэт 11-м Iуэрытхыр екIуэкIынущ, дэтхэнэми абы зыпищIэфынущ интернеткIэ;
2. «Гагарин деж щегъэжьауэ уи деж нэс» сурэт гъэлъэгъуэныгъэ. Фыщеплъыфынущ https://disk.yandex.ru/i/mCv60pT5QL2mtQ напэкIуэцIымкIэ;
3. Мэлыжьыхьым и 9-м ягъэлъэгъуэнущ Хьэршым и тхьэмахуэ Iуэхум ипкъ иткIэ ягъэхьэзыра «Моя собака - космонавт» фильмыр;
4. Мэлыжьыхьым и 10-м VK Stadium утыкум щекIуэкIынущ «Роскосмос»-мрэ Радио DFM-мрэ къызэрагъэпэща «Первые в космосе. Cosmo Night» нэгузыужь концертыр;
5. Мэлыжьыхьым и 11-м екIуэкIынущ «Роскосмос»-мрэ «Здоровое Отечество» зэщIэхъееныгъэмрэ къызэдыхалъхьа «Старт к звездам» спорт Iуэхур. Урысей Федерацэм и щIыналъэ 12-м щызэхэтынущ спорт зэпеуэхэр;
6. Мэлыжьыхьым и 1 - 30-хэм Урысейм щекIуэкIынущ «Первые в космосе» Лъэпкъ ерыскъыпхъэ фестивалыр. Абы хэтынущ щIыналъэ 18-м щыщ пщафIэ 70-м щIигъу.
7. Гагарин Юрийрэ Королёв Сергейрэ я фэеплъу къэралым итхэм удз гъэгъахэр тралъхьэнущ;
8. Пермь къалэм щекIуэкIыну «Научная Вселенная Первых» урысейпсо фестивалым хэтынущ цIыху мини 2-м щIигъу;
9. «Гагариным и гуфIэкIэ» урысейпсо Iуэхум ипкъ иткIэ, цIыхухэр уэрамыщхьэхэм къыщагъэувыIэурэ, Гагариным и гуфIэкIэр къахуэгъэлъагъуэмэ къапщытэнущ;
10.  «Космос рядом» урысейпсо акъылжан джэгур зэхашэнущ;

КъызэрымыкIуэ Iуэхуу, зэIущIэу, джэгуу къалъытэхэр къэрал телевидениемкIэ къатынущ. Къыхэгъэщыпхъэщ: зэIущIэхэм къэрал/щIыналъэ мыхьэнэ яIэн хуейщ.