Сакъыныгъэрщ нэхъыщхьэр

КъБР-м щыIэ МЧС-м фигу къегъэкIыж удз гъуар щискIэ на­сыпыншагъэ къри­кIуэнкIэ зэрыхъунур. ЦIыхухэр языны­къуэхэм деж егу­псысыркъым мафIэм ухуэмысакъмэ, абы узыхуи­шэнум. 

2026 гъэр къы­зэ­рихьэрэ ­Къ­э­­­бэр­­дей- Балъкъэр Рес­пуб­ли­кэм удз гъуахэр ису  57-рэ ­щатхащ. Ар къохъу цIыхум и зэранкIэ. МафIэм тыншу зи­дзынущ жьапщэмэ, абы ­мылъку хэщIыныгъэшхуэ къи­шэнкIэ, псэупIэхэмрэ про­мышленнэ объектхэмрэ нэсынкIэ, нэхъыщхьэращи, цIыху хэ­кIуэдэнкIэ хъунущ. 
Урысей МЧС-м жэщ-махуэ имыIэу спутниккIэ кIэлъоплъ мафIэс къыщыхъу щIыпIэхэр къихутэу, абы республикэм и щIыналъэри хыхьэу. 
КъэкIыгъэ гъуахэмрэ пхъэнкIиймрэ гъэсынымкIэ хабзэр уэим зыщIым администра­тивнэ жэуап ихьынущ УФ-м и УК-м и 20.4. статьям и 1-нэ Iы­хьэм ипкъ иткIэ:
- сакъын зэрыхуейр жраIэн е административнэ къуэды ятелъ­хьэн сом 5000-м щыщIэ­дзауэ 15000-м нэс;
- къулыкъущIэм - сом 20000-м щыщIэдзауэ 30000-м нэс;
- щхьэзакъуэ хьэрычэты­щIэ­хэм - сом 40000-м щыщIэдзауэ 60000-м нэс;
- IуэхущIапIэхэм я лэжьа­кIуэ­хэм - сом 300000-м щыщIэ­дзауэ 400000-м нэс.
 2026 гъэм зэрыщIидзэрэ удз гъуахэр гъэсыным теухуа мардэхэр къызэрызэпаудам ехьэ­лIа протоколи 5 ятхащ, къуан­шэхэр административнэ жэуа­пым ирашэлIащ.

ДЫГУЛЫБГЪУ Жантинэ.