ЩIыналъэщIэхэми зыщIагъакъуэЯкорь2026 гъэм МСП Корпорацэм худэчых зыхэт лизингыу сом меларди 3,I5-м нэблагъэ щIыхуэу иритынущ къэралым и хьэрычэт IэнатIэ мащIэм. Ахъшэр къыIах хъунущ оборудованэ, техникэ, продукцэхэр къыщIэзыгъэкI, абыхэм елэжьхэмрэ промышленность псынщIэмрэ я IуэхущIапIэхэм. Абыхэм къадэкIуэу, УФ-м къыхыхьэжа щIыналъэхэм туризмэмрэ медицинэмкIэ, щIэныгъэмрэ спортымкIэ я IэнатIэхэми зыщIагъэкъуэнущ. Мыдрейуэ, 2030 гъэ пщIондэ хьэрычэт IэнатIэ мащIэм худэчых зыхэт лизингыу псори зэхэту сом мелард 18-м нэблагъэ иратынущ. «Дызыхыхьа илъэсми лизингкIэ дыдэIэпыкъунущ бизнес цIыкIум, псом хуэмыдэу техникэхэр, продукцэхэр къыщIэзыгъэкI, абыхэм елэжьхэмрэ промышленность псынщIэмрэ я IуэхущIапIэхэм. Абыхэм я фIыгъэкIэ, кредит ставкэхэр щылъагэ иджырей зэманым, хьэрычэт IэнатIэ мащIэм хэтхэм Iэмал ягъуэт я лэжьыгъэр ирагъэфIэкIуэну, къыщIагъэкI продукцэм и куэдагъми лIэужьыгъуэми хагъэхъуэну. 2026 гъэм лизингым и процент ставкэр лъахъшэу къэдгъэнащ, IуэхущIапIэ цIыкIухэм нэхъ заужьын, къыщIагъэкIхэм хагъэхъуэн щхьэкIэ, хамэ къэралхэм къраш продукцэхэр дгъэмэщIэн, иджырей технологиехэмкIэ дэ езым зыкъызэдгъэпэщыжын мурадкIэ», - жиIащ МСП Корпорацэм и унафэщI Исаевич Александр. Апхуэдэуи абы къыхигъэщащ къэралым къыхыхьэжа щIыналъэщIэхэм я бизнес цIыкIум зегъэужьыным мыхьэнэ ин зэриIэр. Абыхэм щхьэкIэ, лизинг дэIэпыкъуныгъэу щIыпIэ хьэрычэтыщIэхэм ират щIыхуэм и процент ставкэр 1-м къыщыщIидзэу аращ. Гулъытэ зыхуащIхэм хеубыдэ туризмэм, медицинэм, щIэныгъэмрэ спортымрэ я IэнатIэхэр. Фигу къэдгъэкIыжынщи, худэчых зыхэт лизингымкIэ бизнес цIыкIум дэIэпыкъуным ехьэлIауэ программэ мэлажьэ «Зэхьэзэхуэ зи лъабжьэ экономикэ лъэщ» лъэпкъ программэм хыхьэ «Хьэрычэт IэнатIэ мащIэмрэ курытымрэ» къэрал пэхуэщIэм ипкъ иткIэ. Ар и нэIэ щIэтщ МСП Корпорацэм и Лизинг МСП къудамэм икIи апхуэдэ IэмалкIэ щIыхуэ къащтэ хъунущ МСП.РФ-м бжыгъэ лъабжьэ зиIэ и платформэр къагъэсэбэпу. БЭТОКЪУЭ Былэ.
Поделиться:
Читать также:
09.11.2026 - 11:21 →
Тхьэхэмрэ нартхэмрэ
08.11.2026 - 15:13 →
ЗэщIыгъуу ирагъэкIуэкIащ
08.11.2026 - 13:12 →
Бекъул Миланэ УФ-м плIэнейрэ и чемпионщ
08.11.2026 - 10:08 →
ЦIыху мелуанитIым щIигъум зыщагъэпсэхуащ ди щIыналъэм
07.11.2026 - 13:07 →
ЩIыналъэм и зэфIэкIхэм хэзыгъахъуэ IэнатIэ
| ||




