Пхъэщхьэмыщхьэмрэ хадэхэкIымрэ

2025 гъэм Къэбэрдей-­Балъкъэрым, зэкIэ къызэрабжамкIэ, пхъэщхьэмыщхьэрэ ха­дэ­хэкI консерву мелуан 357-рэ щытраIуэнтIащ. Абы ипэ ита илъэсым щыIа бжы­гъэ­хэм нэхърэ процент 0,7-кIэ нэхъыбэщ ар, къитащ иджыб­лагъэ Кавказ Ищхъэрэм Статис­тикэмкIэ и управленэм.

КИФЩI-м пхъэщхьэмыщ­хьэ­рэ хадэхэкI консерву къы­щыщIагъэкIым и куэдагъымкIэ ди республикэм бжьыпэр адрей щIыналъэхэм я деж щиIыгъщ. Ди консерв заводхэр мыбдежым нэхъыбэу зэгугъур икIи къыщIагъэкIыр бэд­рэжан пIытIамрэ джэш хъу­рейм­рэщ, нащэмрэ нартыху IэфIымрэщ.
ЖылапхъэфIхэр, хадэ­хэкI­хэм ехьэлIауэ щыIэ иджырей технологиехэр къызэрагъэсэ­бэпым я фIыгъэкIэ республикэм и мэкъумэшыщIэхэм гъавэ бэвхэр илъэс къэс кърахьэ­лIэж­ икIи къыщIагъэкI ха­дэ­хэ­кI-пхъэщхьэмыщхьэ пр­о­дук­цэхэм хагъахъуэ зэ­пытщ, щыжаIащ КъБР-м Мэкъумэш хозяйст­вэмкIэ и министерствэм. 
Апхуэдэуи, хадэхэкIхэмрэ пхъэщхьэмыщхьэхэмрэ зезы­хьэхэм ткIуэпс-ткIуэпсурэ псыр къэкIыгъэхэм зэрыщIагъэхьэ системэхэр жыджэру я лэжьыгъэм къыщагъэсэбэп. «Дунейпсо кооперацэмрэ экспортымрэ» къэрал пэхуэщIэм и къудамэ «Мэкъумэш-про­мыш­леннэ комплексым и продукцэр экспортым гъэкIуэн» щIыналъэ проектым ипкъ иткIэ ахэр ягъэувыну абыхэм Iэмал ират къэрал дэIэпыкъуныгъэ папщIэу.