КаратемкIэ дылъэщщ

Минводы къалэм щекIуэкIащ каратемкIэ (ВКФ) щIыналъэхэм я зэхьэзэхуэ. СССР-м и ЛIыхъужь Онищенкэ Виктор и фэеплъу щытащ ар  икIи абы щызэпеуащ Кавказ Ищхъэрэм и щIыналъэхэм я спортсмену, щIалэхэри хъыджэбзхэри зэхэту, 300-м щIигъу.

Къэбэрдей-Балъкъэрым и командэм медаль 48-рэ къыщихьащ абы: дыщэу 18, дыжьыну 13, домбеякъыу 17.

Я ныбжьрэ хьэлъагърэ елъытауэ зыхэта гупхэм щытекIуащ Шэрджэс Амир, Тагузлоев Астемыр, Алексашинэ Златэ, Мэчанэ Асанэ, Сен Дамир, Анаев Марат, Блий Изабеллэ, Темукуев Хъалид, Къэзанш Артур, Блий Эмир, Гузеев Къантемыр, Мэчанэ Iэминэ, Нэгъуей Алинэ сымэ.

ЕтIуанэ увыпIэхэр къахьащ Къуэдзокъуэ Къантемыр, КIэмпIарэ Iэдэм, Глашев Мухьэмэд, Бежан Идар, Кильчаевэ Аделинэ, Акбулатов Амир, Байсиев СулътIан, Григорян Ванник, Мусаев Елдар, Сысоевэ Алисэ сымэ.

Щомахуэ Алан, Аппаев Малик, Тхьэмокъуэ Амырхъан, Галачиевэ Денизэ, ХьэцIыкIу Алихъан, Бекъшокъуэ Самие, Анаев Ислъам, Зэшай Эмир, ТхьэкIумащIэ Залым, Бекъалды Умар, Зыхъуэ Кемран, Сыжажэ Дамир, Гузеев Темырлан, Зэшай Астемыр сымэ ещанэ увыпIэхэр къахьащ.

Апхуэдэуи гупхэм я зэпеуэм КъБР-м и командэм кубокипщI къыщихьащ. Абыхэм ящыщу 5-р - япэ, 3-р - етIуанэ, 2-р - ещанэ увыпIэхэм щхьэкIэ.