Календарь событий

КъБР-м Мэкъумэш хозяйствэмкIэ и министерствэм къызэ­ритамкIэ, республикэм и мэкъумэшыщIэхэм хьэцэпэцэр къанэ щымыIэу кърахьэлIэжащ. Мы гъэм псори зэхэту гектар мин 71-м ар тращIащ икIи абы и нэхъыбэр - гектар мин 46,5-р - гуэ­дзым, гектар мин 24,5-р - хьэм ирагъэубыдащ.

ЩIыналъэхэм щекIуэкI «Урысейм и шхыныгъуэ гурыхьхэр» ерыскъыхэкIхэм я фестивалыр къэрал псом щыщ фермер нэхъыфIхэм къыщIагъэкI продукцэхэр утыку къыщрахьэ махуэшхуэщ.

Урысей Федерацэм и Правительствэм щIыналъэ зыу­жьы­ныгъэмкIэ и комиссэм и президиумым и зэIущIэм ви­деозэпыщIэныгъэ Iэмалым тету хэтащ КъБР-м и Iэтащхьэ КIуэкIуэ Казбек. Зэхуэсыр иригъэкIуэкIащ Урысейм и Правительствэм и Унафэ­щIым и къуэдзэ Хуснуллин Марат. 

2026 - 2027 гъэ еджэгъуэщIэм ипэ къихуэу КъБР-м и Iэтащхьэ КIуэкIуэ Казбек еп­сэ­лъылIащ ЩIыналъэм Iуэхухэр щызегъэ­кIуэнымкIэ и центрым (ЦУР) и унафэщI ­КIэ­дыкIуей Мадинэ. Псалъэмакъыр теухуауэ ­щытащ щIыналъэм и егъэджэныгъэ Iэна­тIэм адэкIи зэрызиужьыну щIыкIэхэм, абы и ­фIагъыр нэхъри къэIэтыным хуэгъэпса Iуэхугъуэхэм, егъэджэныгъэм хуэщIа лъэпкъ пэхуэщIэхэмрэ программэхэмрэ гъэзэ­щIэ­ным. 

КъБР-м и Iэтащхьэ КIуэкIуэ Казбек иригъэкIуэкIащ Къэбэрдей-Балъкъэр Респуб­ликэм Террорым пэщIэтынымкIэ и комис­сэмрэ Оперативнэ штабымрэ я зэIущIэ. 

КъБР-м и Iэтащхьэ КIуэ­кIуэ Казбекрэ УФ-м и Жы­ла­гъуэ палатэм зэчиифIэ­хэм я ин­дуст­рием зегъэ­у­жьынымкIэ и комиссэм, Щэн­хабзэм къы­ща­Iэт жэрдэмхэмкIэ Президентым и фондым (ПФКИ) я уна­фэщI Карманов Романрэ хэ­тащ Налшык дэт ЩIалэгъуа­лэм папщIэ унэм фондым и къудамэ къызэрыщызэIуа­хым теухуа дауэдапщэм. 

ШыщхьэуIум и 22-м Урысей Федерацэм и къэрал ныпым и махуэр ягъэлъапIэ. Хабзэ зэрыхъуам тету, Къэбэрдей-Балъкъэрым и къалэ, щIыналъэ псоми щокIуэкI къэрал ныпым и махуэм теухуа гуфIэгъуэ дауэдапщэхэр.