Календарь событий

ГунжафIэхэ Нурхьэлийрэ Гуащэпсрэ Арщыдан жылэм пщIэшхуэ щызиIэхэт. Абыхэм я деж чэнджэщакIуэ цIыхушхуэ къекIуалIэрт. Хьэблэм къыдашэ нысащIэхэм дежкIэ Гуащэпс щапхъэт. «ГунжафIэ хьэл» «ГунжафIэ нэмыс», «ГунжафIэ хабзэ» - а псалъэхэр абыхэми я бынхэми яхуэгъэзауэ къапсэлъырт. ЦIыхухэм я гуфIэгъуэри гузэвэгъуэри кърахьэлIэрэ я Iуэху драгъэхыу апхуэдэу къекIуэкIащ.

ЩоджэнцIыкIу Алий и цIэр зезыхьэ Къэбэрдей къэрал драмэ театрым щекIуэкIащ адыгэ цIыхубэ уэрэдыжьхэм я фестиваль-зэпеуэ, КъБР-м и цIыхубэ артист, Адыгэ Республикэм щэнхабзэмкIэ щIыхь зиIэ и лэжьакIуэ, адыгэ уэрэдыжьхэмрэ хъыбархэмрэ зэхуэзыхьэсыжыным зи гуащIэ езыхьэлIа, IуэрыIуатэдж, тхакIуэ, уэрэджыIакIуэ, драматург, артист КъардэнгъущI Зырамыку и цIэкIэ. Ар къызэригъэпэщащ КъБР-м ЩэнхабзэмкIэ и министерствэм.

ПсэупIэу 163-рэ

Къэбэрдей-Балъкъэрым цIыхухэм я псэукIэр егъэфIэкIуэнымрэ абыхэм тыншыпIэ къахузэгъэпэщынымрэ хуэунатIауэ фэтэр куэду зэхэт псэупIэхэр къызыхуэтыншэу зэгъэпэщыжынымкIэ щыIэ программэм мы гъэми щыпащэнущ.

ЖыпIэнурамэ, къапщытэж пIалъэм къриубыдэу апхуэдэ унэу 163-рэ дызэрыт илъэсым зэIузэпэщ ящIынущ. Абыхэм щрагъэкIуэкIыну лэжьыгъэхэм хыхьэу лифтхэр зэрахъуэкIынущ, унащхьэхэр къагъэщIэрэщIэжынущ, IуплъапIэхэр зыхуей хуагъэзэнущ, инженер коммуникацэхэр ирагъэфIэкIуэнущ, нэгъуэщI Iуэхугъуэхэри къызэщIаубыдэнущ.

Къэбэрдей-Балъкъэр къэрал университетым стартап-студие щолажьэ, студентхэр бизнес-IэщIагъэлIхэм щахуэзэу, технологие хьэрычэт IэнатIэм зегъэужьыным и сэбэп хэлъу ди къэралым щылажьэ утыкухэм зыщагъэлъэгъуэнымкIэ Iэмал къариту, Iуэхум епха зэгухьэныгъэ псоми япыщIауэ щытынымкIэ щхьэпэ хъууэ.

Абы иджыблагъэ щекIуэкIа тренингым Iуэхугъуэ куэдым щытепсэлъыхьащ. Ар къызэгъэпэщынымкIэ сэбэп хъуар Москва физико-техникэ институтырщ. КъБКъУ-м щекIуэкIар зи нэIэ щIэтар Кавказ Ищхъэрэ федеральнэ щIыналъэм и тренинг утыку нэхъыщхьэ Пятигорск къэрал университетырщ.

 Зы илъэс къэмынэу ар зэрагъэлъапIэр и нэщэнэщ къэралхэм я экономикэм зегъэужьыным, яхузэфIэкIхэмкIэ промышленностымрэ сатумрэ зэхъуэжэным, а тIуми я сэбэп зыхэлъхэм гъуэгу етыным, технологие пэрытхэр къагъэщхьэпэным хуэгъэзауэ пщалъэхэм ягъэзащIэ мыхьэнэр зэрыиным.

 Мы щIэныгъэ-IэщIагъэр дэIэпыкъуэгъуфIщ узрихьэлIэ-узыIущIэр инагъ-цIыкIуагъкIэ ипэжыпIэкIэ зыхуэдэр нэрыгъуазэ къудейкIэ щыпхузэхэмыгъэкIхэм деж.

Накъыгъэм и 20, бэрэжьей

 1939 гъэм «КъБР-м и цIыхубэ артист», «КъБР-м гъуазджэхэмкIэ щIыхь зиIэ и лэжьакIуэ», «КъБР-м щIыхь зиIэ и егъэджакIуэ» цIэ лъапIэхэр ягъэуващ.

1927 гъэм къалъхуащ тхыдэ щIэныгъэхэмкIэ доктор, профессор, УФ-м щIэныгъэхэмкIэ щIыхь зиIэ и лэжьакIуэ Гугу Рашад.

1935 гъэм къалъхуащ физико-математикэ щIэныгъэхэмкIэ доктор, КъБКъУ-м и профессору щыта, КъБР-м щIэныгъэхэмкIэ щIыхь зиIэ и лэжьакIуэ ЖьэкIэмыхъу Мусэбий.